بوسي شلبي بعد رحيل محمود عبد العزيز : «حسيت إني لازم أكون معاه مش على الأرض»

تحدثت الإعلامية بوسي شلبي عن رحيل زوجها الفنان محمود عبد العزيز .

وقالت شلبي، خلال تصريحات تلفزيونية: «لحظة وفاة محمود عبدالعزيز خرجت بره الدنيا وروحي طلعت معاه، وأنا بحس إني مش جوه الدنيا، ماعنديش إني أزعل وأفرح أنا في حتة تانية معاه.. وحسيت إني لازم أكون معاه مش على الأرض ».

وأضافت، «الناس اللي نفسيتهم ضعيفة وإيمانهم ضعيف ممكن يلجأوا للمخدرات أو حبوب مهدئة ومستشفى أمراض نفسية، وأنا كان لازم أمر بحاجة من التلاتة، لكن عشان أنا ست عندي إيمان قوي رميت نفسي في حضن الشغل ونزلت اشتغلت على طول».

وتابعت، : «المظاهر خداعة دي مهنتنا بلبس شخصية.. وأنا فعلا عايشة بطولي لوحدي في البيت، تخيل إنك عايش بين أربع حيطان لوحدك.. شيء مؤلم.. عندي إخواتي ربنا يخليهم لي لكن أكبر مني بكتير وعندهم بيوتهم وعيالهم وشغلهم، لو قاعدة لوحدي طول الوقت بعيط وببقى عايزة الأرض تنشق وتبلعني».

بوسي شلبي تحيي الذكرى الأولى لرجاء الجداوي: «وحشتيني يا أغلى الناس»

بوسي شلبي تحتفل بنجاح «الطاووس» مع جمال سليمان .. فيديو