بين خطاب مزعوم ووثيقة مزورة.. حكاية زواج أثارت الجدل بين العندليب عبد الحليم والسندريلا سعاد حسني

من جديد، عاد الجدل القديم إلى الواجهة، بعد تصريحات متضاربة من عائلتي العندليب الأسمر عبد الحليم حافظ والسندريلا سعاد حسني حول علاقتهما العاطفية، وهل انتهت بزواج سري كما تردد لسنوات، أم أنها كانت مجرد قصة حب لم يكتب لها الاستمرار؟

في مداخلات هاتفية خلال برنامج 'تفاصيل' مع الإعلامية نهال طايل على قناة 'صدى البلد 2'، اشتعلت التصريحات بين محمد شبانة، نجل شقيق عبد الحليم حافظ، وجيهان عبد المنعم، شقيقة سعاد حسني، ليكشف كل منهما ما يراه الحقيقة الكاملة، مدعومًا بخطابات، ووثائق، وذكريات قديمة.

موقع قناة صدى البلد، يرصد فيما يلي تفاصيل القصة كما وردت على لسان الطرفين، وإليكم التفاصيل.

نفي الزواج رغم وجود حب

قال محمد شبانة، نجل شقيق الفنان الراحل عبد الحليم حافظ: 'إحنا عمرنا ما قولنا إن سعاد وحليم اتجوزوا، بالعكس، أسرتها هي اللي قالت كده، وسعاد طول حياتها ما جابتش سيرة الزواج ده، والكلام ده بدأ يطلع بعد وفاتها، وده كان بعد 17 سنة من وفاة عمي'.

وأوضح: 'أيوه، عمي عبد الحليم كان بيحبها، بس متجوزهاش، وهو قال قبل كده إن الجواز مش حب بس، فيه حاجات تانية، والتسجيل اللي قال فيه الكلام ده هينزل قريب'.

جواب سعاد حسني

تابع محمد شبانة حديثه كاشفًا عن خطاب بخط يد سعاد حسني، قال عنه: 'ترددنا كتير قبل ما نعرض الخطاب اللي لقيناه بخط إيد سعاد حسني، لكن طلعناه في النهاية عشان نوضح إن الحب اللي كان بينهم مكنش نهايته جواز، وإن القصة اللي الناس مصدقاها عن علاقتهم مش دقيقة'.

خطاب سعاد حسني لـ عبد الحليم حافظ

وأضاف: 'إحنا مأسأناش ليها، بس حبينا نوضح إن الحب اللي الناس فكراه بينهم مكنش بالشكل اللي اتقال، صحيح كان في مشاعر، لكن مفيش نصيب حصل'.

وثيقة الزواج المتداولة مزورة

وحول ما تم تداوله عن عقد زواج بين عبد الحليم وسعاد، أكد شبانة: 'العقد المنتشر ده مزور، الشهود مكتوبين بالآلة الكاتبة، والشيخ اللي موقع عليه مبصم، ومكتوب فيه جمهورية مصر العربية، مع إن وقتها مكناش بنكتب كده'.

حب عبد الحليم الحقيقي

كشف محمد شبانة عن جوانب غير معروفة من الحياة العاطفية لعبد الحليم حافظ، قائلاً: 'قصة حبه بالسندريلا سعاد حسني لم تكن الأولى، الحديث عن زواجهما مجرد شائعة لا تدعمها أية وثائق حقيقية'.

وتابع: 'عبد الحليم أحب في شبابه فتاة من قريته خلال أيام دراسته في المعهد، لكنها لم تكن من نصيبه، ثم جاءت قصة حبه الثانية، والتي وصفها بأنها الأهم في حياته، وكانت لامرأة مطلقة وأم لطفلين'.

وأضاف: 'كانت دي حب حياته الحقيقي، لكنه اتقدم لها وجدها رفضه، وبعدها جالها مرض نادر وتوفيت، وساعتها جدها راح لعبد الحليم واعتذرله'.

وأشار إلى أنه بعد هذه التجربة، دخل في علاقة مع سعاد حسني، لكنها لم تصل إلى زواج. وأوضح: 'سعاد كانت مدركة إن قلبه مش خالي، وقالت له: إنت لسه بتنسى بيا حبك اللي فات؟'.

شقيقة سعاد حسني ترد

في المقابل، ردت جيهان عبد المنعم، شقيقة الفنانة الراحلة سعاد حسني، خلال مداخلة هاتفية في نفس البرنامج:

'سعاد مكنتش راضية تقول إنها اتجوزت عبد الحليم، لكن في أواخر أيامها اتكلمت عن جوازهم السري، وقالت إنه كان فيه عقد في خزنتها، طيب هل كانت هتعمل عقد وتخليه في خزنتها لمجرد الذكرى؟ يعني كانت هتعمل كده ليه؟'.

وتابعت: 'لما شوفت الجواب اللي بيقولوا إنه من سعاد لحليم، قلت فورًا ده مش خطها، وواضح جدًا إنه مش قديم، وبسأل سؤال: هل إحنا طالبنا بميراث علشان يطلعوا جواب زي ده؟'.

حب عمر سعاد حسني علي بدرخان

أوضحت جيهان أن شقيقتها تزوجت بعد عبد الحليم ثلاث مرات، وقالت: 'إحنا سبق ورفعوا علينا قضية بسبب نفيهم خبر زواج حليم وسعاد واحنا كسبناها، وأنا نفسي أفهم هما بيعملوا كده ليه؟ عايزين يثبتوا إن سعاد كانت بتحب حليم من طرف واحد وهو مش بيحبها؟ ده كلام غير حقيقي'.

وأكدت أن العلاقة كانت متبادلة بين الطرفين: 'هما الاتنين حبوا بعض واتجوزوا في السر، وهما أحرار'.

وأضافت: 'حب حياة سعاد الحقيقي كان المخرج علي بدرخان، والقدر جمع بينهم حتى في الوفاة، لأنه هو كمان توفى في لندن زيها'.