تامر حسني يوجه رسالة مؤثرة لنجل المطرب محمد ثروت بعد إصابته بمرض نادر

ياسمين حمادة 18 مارس 2023 | 08:55 مساءً

حرص الفنان تامر حسني أن يدعم المخرج والمطرب أحمد ثروت نجل الفنان محمد ثروت وذلك عقب إصابته بمرض مناعي نادر، من خلال حسابه الرسمي بموقع انستجرام.

تامر حسني وأحمد ثروت

نشر الفنان تامر حسني مقطع فيديو للفنان أحمد ثروت نجل محمد ثروت، عبر خاصية الستوري التابعة لصفحته الرسمية بموقع التواصل الاجتماعي لتبادل الصور والفيديوهات انستجرام.

وعلق تامر حسني على الفيديو قائلًا: «أحمد ثروت صديقي وابن الفنان الغالي أوي المطرب الكبير محمد ثروت.. بمنتهى الحب والرضا والإيمان تقبل محنه كبيرة من ربنا إنه يصاب بمرض نادر يأثر على رجله وميمشيش».

مرض أحمد ثروت نجل محمد ثروت

واستكمل في رسالته لـ أحمد ثروت قائلًا: «وكان بيحضر لزواجه، وفي كلامي معاه قولتله أنا كنت بكلمك أهون عليك والحقيقة لاقيته مش محتاج وهو من إيمانه بقضاء ربنا مهون على نفسه ونفسيته في أعلى درجات الرضا بيهزر ومبسوط، قولتله بأيدك تحول المحنه لمنحه».

وتابع: «وقالي أنا بعمل كده دلوقتي وفاهم الاختبار كويس وهنجح فيه وهخف وهمشي تاني على رجلي.. وفضل يحكي طول المكالمة عن حب أسرته واهتمامهم بيه وإخلاص خطيبته وقد إيه الموقف بين معدنها الأصيل وإزاي بتسانده وبتسهر على راحته طول الوقت».

واختتم تامر حسني قائلًا: «أنا كمان بشكرهم وبشكرها جدًا وبحييها على قلبها وتربيتها الأصيلة... ربنا يشفيك يا أحمد ويفرح قلبك بقدر ثقتك العظيمة في ربنا، الثقة العظيمة اللي أنا شوفتها النهاردة وأفرح معاك في فرحك قريب إن شاء الله، إدعوله معايا يا شباب ربنا يشفيه ويشفي كل مريض».

تامر حسني وأحمد ثروت

المخرج أحمد ثروت وخطيبته

المخرج أحمد ثروت حرص على أن يكتب رسالة رومانسية لخطيبته لمى الشواربي، بعد أن ساندته في أزمته الصحية لمدة شهر كامل في المستشفى.

وكتب أحمد ثروت نجل الفنان القدير محمد ثروت، عبر حسابه بموقع إنستجرام: «لو وقفت تاني علي رجلي هيكون ليكي فضل بعد ربنا ف ده وقفتي جنبي».

تابع: «سندتيني وسهرتي شهر جنبي من غير نوم وكنتي مؤمنه فيا من أول يوم عرفنا بعض فيه، فعلاً لو قعد عمر كامل اوفيكي حققك مايكفيش ١٪؜ من الي بتعمليه معايا يا بنت الاصول وان شاء الله اقوم بس وايامك كلها تبقي عوض عن كل ليلة صعبة قضيناها مع بعض».