تحدث الفنان تامر عبد المنعم، عن سبب رفضه دخول ابنته الوسط الفني، وفي حالة دخولها عدم المشاركة في أي أعمال يخرجها خالد يوسف، بالإضافة إلى كرهه لأفلام المخرج الراحل يوسف شاهين.

تامر عبدالمنعم: محبش بنتي تمثل

تامر عبد المنعم قال في تصريحات تليفزيونية: محبش بنتي تمثل، تاني حاجة لو هتمثل محبهاش تمثل مع خالد يوسف مع احترامي الشديد له، وسط صعب والبنات في ظروفهم وتربيتهم ونشأتهم صعب، ولو اتعاد بيا الزمن هاخد قرارات كتيرة مكنتش أخدتها.

تامر عبد المنعم، تابع في تصريحات تليفزيونية: أنا مش هحط نفسي عرضه تحت فك حد، وأنا اشتغلت مع نجوم الوطن العربي، وتعبت كتير ومحبش عيالي يدخلوا الوسط ده.

تامر عبدالمنعم: محبش بنتي تشتغل مع خالد يوسف

وأوضح تامرعبدالمنعم: أنا محبش بنتي تشتغل مع خالد يوسف لأنه معروف عنه أنه فتك وبتاع ستات وممكن يعاكسهم ولا حاجة تبقى مصيبة سوداء.

تامر عبدالمنعم: مبحبش يوسف شاهين ومبفهمش أفلامه

وأضاف تامر عبدالمنعم في تصريحاته التليفزيونية: مبحبش يوسف شاهين ومبفهمش أفلامه وأنا داخل معهد سينما قولت اني مبحبوش، ولا أقلل من قيمته، أنا مبحبوش ولكنه سيظل يوسف شاهين.

تامر عبد المنعم: فريد الديب طلب يشوفني قبل ما يموت بأسبوعين عشان يوصيني

تامر عبد المنعم : بشوف نفسي إعلامي ناجح وخلافاتي مع محمد فؤاد مستمرة

‎تامر عبد المنعم عن شيرين عبد الوهاب: دمرت صوتها وموهبتها