تصريحات عزيز مرقة: أهلي ضيعوني وأنا صغير 3 مرات ومكنتش عايز أدرس موسيقى

تحدث الفنان الأردني عزيز مرقة عن أسرته التي كانت تراهن على عمله بمجال الإدارة أو الثقافة عندما يصبح شابًا، لكن والده كان له وجهة نظر مختلفة.

وفيما يلي نرصد تصريحات عزيز مرقة التلفزيونية التي تصدرت حديث السوشيال ميديا:

تصريحات عزيز مرقة

• في مرحلة معينة وأنا عندي 17 سنة ولأسباب اجتماعية، لأن كان في بنت بحبها وعاوز أخطبها من أهلها فمكنتش عاوز أدرس موسيقى
• كنت عاوز ادرس أي حاجة تمشي على هوا المجتمع
• عشان أبهر أبوها كنت بذاكر كتير في الثانوية عشان أجيب معدل كبير يدخلني جامعة حكومية، لأن ده فيه فخر أكتر في الأردن

• مجبتش المجموع الكبير اللي عاوز أجيبه، كنت عاوز أجيب 90% جبت 82%، ده مجموع كبير برضو وأهلي كانوا فرحانين جدًا لأن بالأصل مكنتش شاطر أوي لكن أنا كنت زعلان
• وقتها أبويا قالي أنت زعلان ليه قولتله كنت عاوز أدرس إدارة أعمال في الجامعة الأردنية عشان حبيبتي، قالي أنت فاكر إن انت في حياتك ممكن تبقى موظف، لو بقيت موظف هتبقى أهمل موظف في تاريخ المملكة الأردنية الهاشمية، ادرس موسيقى لأنك مبتعرفش تبقى تحت إدارة حد مش هتقدر
• أنا أهلي ضيعوني وأنا صغير 3 مرات، منهم مرتين على البحر
• مرة تهت، ومرة وأنا عندي سبع سنين كنا عايشين في جزيرة في تونس كنت عاوز أعوم للجزيرة ونزلت البحر لحد ما قابلني شخص ورجعني للشط، وصلت لقيت أهلي متجمعين وبيبكوا إني غرقت، لما شافوني بقي في مزيج من الفرحة والغضب، اللي هو ضرب وبوس مع بعض.. ومرة قررت أرجع من المدرسة لوحدي بدون ما استناهم يجوا ياخدوني

ابنة فيروز: والدتي وصفت دنيا سمير غانم بالفنانة الشاملة.. واعتزلت لهذا السبب

دنيا سمير غانم تعود لـ رمضان 2023 بمسلسل صراع الفصول.. تفاصيل

يعاني منه الممثل الأمريكي بروس ويليس.. ما هو مرض الحبسة الكلامية؟

أبو العينين وأحمد سعد وكيلا مجلس النواب يتفقدان مقرات اللجان النوعية.. فيديو

ابنة دنيا سمير غانم في ظهور جديد.. ترقص في حفل زفاف وأحمد سعد يداعبها