تطورات خناقة عمرو مصطفى وويجز .. مولوتوف يدافع عن نفسه ورد غير متوقع من مطرب الراب

ياسمين حمادة 30 ابريل 2023 | 11:14 صباحاً

أثارت تصريحات عمرو مصطفى عن مطربي الراب وويجز جدلًا واسعًا خلال الساعات الماضية، بعد أن اتهمه بشراء الأغاني وموسيقاها.

رد مولوتوف على عمرو مصطفى

رد الموزع الموسيقي مولوتوف على الفنان عمرو مصطفى، وكتب عبر خاصية الستوري عبر حسابه الرسمي بموقع انستجرام: «أنا هتكلم عن الأغاني اللي أنا عملتها لويجز وهي دورك جي، بالسلامة، أسياد البلد».

وتابع: «وبما إن أنا الموزع بتاعها أحب أقول للأستاذ عمرو مصطفى إن الأغاني معمول فيها توزيع وهندسة صوت وتلحین وشغل بالمستوى العالمي، وبتاخد وقت ومجهود وتفکیر کبیر جدًا من كل الأطراف المشتركة فيها».

رد مولوتوف على عمرو مصطفى

رد ويجز على اتهامات عمرو مصطفى

واستكمل تعليقه على اتهامات عمرو مصطفى لويجز قائلًا: «الموضوع مش بالسهولة والبساطة اللي حضرتك بتتكلم بيها، أما بالنسبة لموضوع الفلوس وشراء المزيكا فأنا لم أتقاضَ أي أجر على الأعمال دي لأن فيه اتفاقات بصورة تانية، وفي النهاية إحنا بنشكرك على استماعك بس يا ريت تتحرى الدقة قبل نشر أي معلومات، وشكرًا».

أما مطرب الراب ويجز فرد على عمرو مصطفى على طريقته الخاصة، ونشر صورة يشكر فيها صناع المزيكا الذين تعاونوا معه في أغنياته عبر صفحته بموقع انستجرام.

عمرو مصطفى وويجز

أثار الفنان عمرو مصطفى الجدل الساعات الماضية، وذلك عقب حديثه عن لجوء مطربي الراب وغيرهم إلى شراء موسيقى جاهزة بـ 100 دولار، وأبرزهم ويجز.

قال الفنان عمرو مصطفى في تصريحات تلفزيونية: 'على فكرة ويجز وكل الشباب اللي طالعة جديدة كلهم بيشتروا موسيقى جاهزة بـ100 دولار والموزع دوره مش موجود'.

وتابع عمرو مصطفى حديثه، وقال: 'الموسيقى مبقتش تتعمل على الإيد زي زمان ومبقتش تروح للموزع ويعمل موسيقى بشكل تقليدي، والناس اللي طالعة جديدة عندها موسيقى جاهزة ومش محتاجة موزع موسيقي ترغي معاه وتعمل معاه الشغل دة كله وممكن أنزل كل يوم 3 أغاني لأن الموسيقى ممكن تشتريها على النت، ودة بيلغي دور الموزع'.

رد ويجز على اتهامات عمرو مصطفى