تعليق قوي من نهال طايل على أخبار ارتباط مها الصغير: معملتش حاجة حرام.. فيديو

تحدثت الإعلامية نهال طايل عن قضية الانفصال والارتباطات الشخصية، خاصًة مع تصاعد الأزمة بين الفنان أحمد السقا والإعلامية مها الصغير، بعد أنباء ارتباطها بالفنان طارق صبري، بعد أيام قليلة من انتهاء العدة؟

وأشارت نهال طايل، في حلقة اليوم الإثنين، من برنامج "تفاصيل" المذاع على قناة صدى البلد 2، إلى أن كل إنسان له الحق في اتخاذ قراراته الشخصية، سواء كان يقرر الاستمرار في زواجه أو الطلاق أو الارتباط بشخص آخر بعد الطلاق، قائلة: "بطبيعة الحال، أحمد السقا في الواقع نجم كبير قوي، وأنا دايمًا في مثل هذه الموضوعات ما بحبش أبدي بالرأي، ولكن هنا لإن هو نجم كبير قوي، كل واحد حقه ينفصل أو يكمل الزيجة بتاعته، في ناس لما بتكمل بتندم، مش شرط الندم يبقى في طلب الطلاق، بيجي وقت تقول عمري اتسرق، بيجي وقت تلاقي مفيش حياة، كرجل وكسيدة، فأكيد هما اختاروا الطلاق بأي شكل كان."

وأضافت نهال طايل، قائلة: "في الآخر أحمد نجم كبير وهي زوجته إعلامية مشهورة، وفي الأول وفي الآخر هو إنسان وإنسانة، أكيد كان قرار الانفصال آخر حاجة وصلوا ليها، وكان في محاولات كتير للرجوع، وكان في محاولات كتير قبل كده للانفصال ونجحت بالرجوع، أياً ما كان الأمر."

وتابعت نهال طايل: "ده هيتخطى وهيعدي ويكمل جواز وحياة، والنجم أحمد السقا هيتخطى وهيعدي وممكن نلاقي خبر ارتباطه من المواقع والصحف، في الحالتين للاثنين، كله بيتحمل نتيجة انفصاله الأول ونتيجة قرار ارتباطه التاني، ما يبقاش قرار واحد بتلاقي قرارين، بتلاقي بقى كل واحد شايل نتيجة الشيلتين، الموقفين، بدل الشيلة اتنين، وفعلاً كونك لو شخصية عامة دي بتبقى صعبة جداً."

وأكدت الإعلامية نهال طايل، قائلة: "ده شرع ودين، إن السيدة تنفصل وتتجوز، ربنا ما حرمش ده عشان إحنا كبشر أو كفانز نجرمه أو نحرمه، لأ طبعًا.. وفي كل الحالات إحنا ممكن في خلال أيام، أسابيع، شهور، نقوم على خبر ارتباط النجم أحمد السقا بفلانة الفلانية، وبرضو مها الصغير لها الحق إن هي ترتبط وتكمل حياتها مع حد تكون حابة تكمل حياتها معاه، وتتحمل قراراتها، كل الأطراف لها مننا كامل التقدير والاحترام تمامًا. تمامًا."

وأوضحت الإعلامية نهال طايل، قائلة: "وعايزين نتكلم أكثر وبشفافية أكبر، نهدى يا جماعة. ربنا سبحانه وتعالى جل جلاله لن ولم يحرم ارتباط أو زواج امرأة بعد الطلاق، كون إن ده، يعني كلنا عارفينه، ما يدخلش بقى حد ويقول لك ده كذا وكذا وكذا، لأ لأ."

وقالت نهال طايل في نهاية حديثها: "النجم أحمد السقا نجم كبير جداً جداً، ليه ملايين في الوطن العربي كله بتحبه، ولكن أكيد هيبقى أقوى من أي حاجة، ولكن هي ليها كامل الحق إن هي تختار وترتبط، بنتمنى لها كل الحياة الهادئة اللي أكيد هي كانت بتتمناها، بنتمنى لها كل التوفيق والسعادة."

https://www.youtube.com/watch?v=iPPY2fM8zfI