حاتم صلاح صاحب شخصية «نفادي» في مسلسل «الكبير أوي»: «بشتغل وسط كوميديانات كتبوا تاريخ الكوميديا»

وجه الفنان حاتم صلاح الذي يجسد شخصية «نفادي» ضمن أحداث مسلسل «الكبير أوي» والتي حققت نجاحًا كبيرًا منذ انطلاق حلقات المسلسل الأولى.

وكتب حاتم صلاح عبر صفحته الرسمية على موقع التواصل الاجتماعي «فيس بوك»، «الكبير أوي 6.. بقعد اتفرج عليها لحد قبل رمضان بتفرج على الخمس أجزاء ومش بصدق إني هيجي رمضان وأقف وسط الممثلين العِظام دول كوميديانات مصر اللي كتبوا تاريخ في الكوميديا».

وأضاف، «أولًا فضل ونعمة من ربنا كبير أنا والله ماليا يد فيه بدون حول مني ولاقوة لو في حد حب المسلسل أولًا وحب شخصية نفادي، ثانيًا بشكر كل الناس اللي فرحتلي كأني واحد من عيلتهم وبشكر أصحابي فرقة 1980 وأنت طالع وكنا بنسهر على القهوة بالساعات عشان نروح نقول إيفيه وبشكر أحمد الجندي اللي خلاني أقول كل اللي في نفسي ويزودلي عليه ».

وتابع، «أي ممثل كوميدي حظه وحش لو ما بيشتغلش معاه وبشكر كل فريق الإخراج محمد خيري اللي كان معايا من أول أوديشن لحد النهاردة وأصحابي واخواتي كل كرو الإخراج حسني وأحمد ونور ومحمد بيومي ومحمد علاء وصالح وحسين وعم حسن قناوي مصحح اللهجة».

وأردف قائلًا: «أنا كنت بحس إني سعيد أول ما أدخل اللوكيشن وكل فريق الإنتاج بقيادة شادي علام وحاتم سعيد وعمرو عاصم مونتير المسلسل اللي كلمني مكالمة أنا مش هنساها طول حياتي.. حقيقي أنا كنت مستريح أوي وحاولت اطلع كل اللي عندي يارب يكمل نجاح المسلسل على خير ونكون قدرنا وبنقدر نرسم الضحكة على وشوش الناس اللي بتتفرج أحمد مكي الكبير أوي في كل حاجة مهما قلت والله ما عارف أعبر ولا اطلع ربع اللي جوايا تجاه الناس دي».

ووجه حاتم صلاح شكر خاص للنجم أحمد أمين قائلًا: «مينفعش اتكلم عن كل الناس الحلوة وماتكلمش عن اخويا وصاحبي الفنان الكبير أحمد أمين اللي قدمني للناس هو وعلاء إسماعيل في برنامج أمين وشركاه ووقف جنبي ولحد يومنا هذا جمايله مغرقاني كأني واحد من عيلته وفرقتي فرقة 1980 وانت طالع وجمهور 1980 وانت طالع.. أنا مش عارف اتكلم وملغبط بس بحبكوا أوي.. اللهم ديمها نعمة».

أبطال الكبير أوي

يذكر أن مسلسل الكبير أوي الجزء السادس يقوم ببطولته النجم أحمد مكي ورحمة أحمد فرج وبيومي فؤاد وحاتم صلاح ومحمد سلام وهشام إسماعيل وعدد كبير من النجوم ومن إخراج أحمد الجندي.

رحمة أحمد عن دورها في الكبير أوي :«أحمد مكي كان بيدعمني ودنيا سمير غانم لا تُقارن بأحد» 

عارفة عبد الرسول عن رحمة في الكبير أوي : رجعتني 30 سنة وكأن حلمي بيتحقق