حازم إيهاب عن جدل «الأعلى مشاهدة»: النجاح مش خناقة

علق الفنان حازم إيهاب على الجدل القائم بسبب «الأعلى مشاهدة»، بين عدد من النجوم.

قال حازم إيهاب عبر تصريحات تلفزيونية: «أنا وضعي حساس في الموضوع دا وموقفي هيكون سلمي».

تعليق حازم إيهاب على جدل «الأعلى مشاهدة»

وتابع: «أحمد العوضي أخويا الكبير وعمرو سعد اشتغلنا مع بعض وبحبه جدًا، والست موناليزا مسلسلي، غصب عني هقول شغلي أحسن شغل».

واستكمل حازم إيهاب: «وجهة نظري أن دي حاجة حلوة إحنا الـ3 نقول إننا الأكثر مشاهدة مع فرق أن في مسلسلات في 15 و30 حلقة».

تصريحات حازم إيهاب

وأضاف: «هو لما أفتح اتفرج مكتوب على المنصات رقم واحد باخدها أنزلها، حد تاني شايف أنه رقم واحد هو حر، أهم حاجة يتقدم للمشاهد حاجة حلوة وأنا ضد أن الموضوع ياخد شكل خناقة».

واختتم حازم إيهاب: «خصوصًا إن كل الناس دي في يوم من الأيام هتشتغل مع بعض، أنا مثلا لو ربنا كرمني وعملت مسلسل بطولتي ولقيت أن أنا رقم واحد هاخدها أنزلها، لقيت بعدها مصطفى غريب منزل أنه رقم واحد هدخل أباركله المهم إن أنا وأنت كويسين مش عايز حاجة تاني من الدنيا».