وجه الدكتور حسام موافي، أستاذ طب الحالات الحرجة بكلية طب قصر العيني، مجموعة من النصائح المهمة للطلاب الراغبين في الالتحاق بكلية الطب، مؤكدًا أن التفوق يحتاج إلى التركيز وتنظيم الوقت والابتعاد عن المشتتات، وعلى رأسها الهاتف المحمول.
وأوضح حسام موافي، خلال تقديمه برنامج «رب زدني علمًا» المذاع عبر قناة «صدى البلد»، أن الموبايل من أكثر الأشياء التي بتضيع وقت الطلاب، قائلًا: «ده بياخد من وقتك 3 أو 4 ساعات من غير ما تشعر».
وأضاف أن الطالب ممكن يقعد من الساعة 6 لحد الساعة 11 بالليل علشان يذاكر، لكنه يكتشف إن الموبايل سرق منه ساعات طويلة، موجهًا نصيحة للطلاب: «سيبي الموبايل يا بنتي وركزي في المذاكرة».
وكشف أستاذ طب الحالات الحرجة عن سر من أسرار تفوقه الدراسي، موضحًا أنه كان بيفضل يمشي في الأوضة أثناء المذاكرة، لأن المشي كان بيساعده على التركيز ويقلل الشرود، مع الجلوس من وقت للتاني.
وشدد موافي على أهمية المراجعة المستمرة، مؤكدًا أن الطالب مينفعش يذاكر المعلومة مرة واحدة ويستنى لحد الامتحان، لكنه لازم يرجع لها بعد أيام ويختبر نفسه ويشوف فاكر منها إيه.
ونصح الطلاب بعدم الاعتماد على القراءة والترديد فقط، قائلًا إن الأفضل إن الطالب يكتب اللي ذاكره، علشان يعرف مدى استيعابه للمعلومات ويحدد الأجزاء اللي محتاجة مراجعة، متمنيًا للطالبة تحقيق حلمها ودخول كلية الطب، وأن تكون من أوائل دفعتها.
