حسن شاكوش ناصحًا الشباب: «العبوا رياضة وبطلوا مخدرات وخلوا عندكم طموح» .. فيديو

وجه المطرب الشعبي حسن شاكوش نصائح للشباب فيما يخص الاهتمام بصحتهم.

نشر حسن شاكوش عبر حسابه الشخصي بموقع تبادل الصور والفيديوهات «انستجرام»، فيديو من داخل أحدى صالات الرياضة، «كل واحد لازم يبقى عنده طموح وهدف يحققه ومش لازم ييئس».

وأضاف، «أنا كحسن شاكوش أهو رغم الشغل بتاعي وأكل عيشي ..وبنقدم حاجة الناس تفرحها وتبسطها والناس بترقص على أغانينا لكن الشغل حاجة والحياة الشخصية حاجة تانية .. أنا رغم الضغوطات اللي عليا والشغل كل يوم بصحى أنزل الچيم وبوجه لكل الشباب نصيحة لازم تنزل وتحافظ على صحتك وتاكل وتنام كويس .. وبنصح كل الشباب إنها تنزل تتمرن وتروح الچيم رغم كل الضغوط اللي انتوا فيها ومتفضلش في البيت واهتم بصحتك وبنصح كل الشباب اللي بتاخد مخدرات تبعد عن أي حاجة ممكن تضرهم».

وتابع شاكوش، «لازم تجتهد ويبقى عندك هدف عشان ربنا يحقق لك اللي انت عايزه..انا حتى اليوم اللي مش بنزل فيه للچيم عندي أدوات في البيت عندي حاجات بسخن بيها وبلعب سويدي عشان مقعدش .. الناس لما يشوفوك شكلك رياضي هتبقى قدوة لعيالك ولبنت الناس اللي انت حابب تروح تتقدم لها».

أغنية «حبيبتي» لـ حسن شاكوش وياسمين رئيس تتجاوز 8 ملايين مشاهدة في 5 أيام

ياسمين رئيس لـ حسن شاكوش بعد نجاح أغنية «حبيبتي»: «كل الناس بتحبه»

View this post on Instagram

A post shared by Hassan Shakosh (@hassan.shakosh)