حلمى بكر يهاجم حمو بيكا وشاكوش: بيغنوا عشوائي ومش موافق عليهم

قال الموسيقار حلمي بكر إن حجازي متقال راح باريس وقلب الدنيا؛ لأن صوته حس فقط قريب لقلب الفلاح، لكن 'بيكا وشاكوش.. وغيرهم' غناء عشوائي، وأنا مش موافق عليهم رغم شعبيتهم.

ولفت «بكر» خلال حوار له مع الإعلامية عزة مصطفى ببرنامج «صالة التحرير»، المذاع على قناة صدى البلد إلى أن معرفة الشعوب تُعلم من خلال أغنياتهم، وأنا لا أحصي أغانيّ لأني لو عديتهم هبقى تافه.

تعاون لطيفة وحلمي بكر

وتابع حلمي بكر: وأغنية 'على اللي جرا' بقالها 50 سنة أكتر ناس بتسمعها في شمال إفريقيا، وفي ناس كان بيني وبينهم خلافات وفي مرضي سألوا عليا وأولهم لطيفة، وبعد مرضي زعلت من ناس كتير، على رأسهم وزارة الثقافة والقصور وقلت لهم رجعوا الموسيقى في التجمعات دي.

وعلق قائلا: أسر عربية وحكام طلبوا أن يقوموا بعلاجي وعلى رأسهم فهد بن بدر بن عبد العزيز، وكلمني قالي كيفك.. وعمل واجب معايا، وبقول لمصطفى كامل بحييك لوقفتك معايا في أزمتي.

واستطرد حلمي بكر: ولحن أغنية 'كلام الناس' لجورج وسوف هو نفس لازمة أغنية 'على اللي جرا من مراسيك'، أخذها صلاح الشرنوبي، وجه بعدها يقول لي إحنا ولادك يا أستاذ، بقالي 62 سنة في مجال الفن ومحدش قعد في المجال زيي، وكل جائزة دولة تقديرية أتشال منها على آخر لحظة.

https://www.youtube.com/watch?v=fWZodM_HS3g

حقيقة تدهور حالة حلمي بكر بعد خروجه من المستشفى.. وأول تعليق منه