حمزة نمرة بعد طرح ألبومه: «طول عمري عندي قلق وعايز ابقى أروق»

تحدث المطرب حمزة نمرة عن ألبومه الغنائي الجديد وأحدث أغانيه منه والتي حملت اسم رايق.

حمزة نمرة وألبومه الجديد

وقال حمزة نمرة، في تصريحات إذاعية: «أول ما فكرنا في اسم الألبوم والأغاني، لما جاء موضوع عاوز أبقى رايق أكتر، الموضوع ده دخل جوايا بشكل عميق لأني طول عمري عندي نوع من القلق ونفسي أبقى أروق من كده

ولا أكون قلقان من المنافسة والمستقبل».

وأضاف حمزة: «حسيت ناس كتير هتبقى حاسة كده، حتى آخر جملة في أغنية (رايق) بتقول (انتهى القلق كل شيء فرق حتى الجو جو دماغي رايق) فأنا بقول لنفسي ما تخليش القلق يسيطر عليك، والقلق ممكن يجعل لدى الواحد حافز يحسن عمله ولكن لا تجعله يستهلكك في النهاية».

حمزة نمرة واغنية رايق

طرح الفنان حمزة نمرة أغنيته الجديدة «رايق»، من ألبومه الجديد الذي يحمل الاسم نفسه، والذي يضم 13 أغنية.

أغنية رايق لـ حمزة نمرة من كلمات محمود فاروق وألحان أندريه مينا وحمزة نمرة، والتوزيع الموسيقي لـ أندريه مينا.

كلمات أغنية رايق لـ حمزة نمرة:

«مش فارق مین علیا

ولا فارق مین معایا

ولا فارق مین سابقني

ولا فارق مین اللي ورایا

كان صاحب ولا عشرة

كان أصلي ولا قِشرة

كات أوضة ولا فیلا

كان شایب ولا بصرة

رایق رایق رایق

رایق وتقیل وراسي

وعایشلي دور مقاسي

رایق رایق رایق

وراصص الكراسي

لحبایبي بس وناسي

ولا بتعب في الغیاب

ولا بفرح بالمدد

ولا بادخل في اكتئاب

ولا بقلق م الحسد

مش ھفتح باب یدایق

ولإن مزاجي رایق

لا ھشارك في المسابقة

ولا عایز حتى اسابق

باضحك على قد سنّي

وسنّي یسمحلي أغني

والخدمة الحلوة منكم

لما تفكوكوا منّي

كله عارف تمامه

لا ھنزل أو ھعلّي

كله ياخد مقامه

مايخدش زيادة نص ملّي

وماليش ف أي شلة

ولا فاضي لناس مملة

ولا حد كاسر عيني

ولا ماسك لحد ذلة

جوي حلو ولايق

قلت لكو مزاجي رايق

فانا بقى خارج المنافسة

على مهل مهلي سايق

أصلي فهمت المعادلة

إن مافيش للدنيا عدلة

فعيشت الأيام بذوقي

ما لبستش تاني بدلة

قصتي ماشية بمزاجي

وعرفت خلاص علاجي

انتهى القلق

كل شيء فرق

حتى الجو جوه دماغي

رايق رايق رايق

رايق وتقيل وراسي

وعايشلي دور مقاسي

رايق رايق رايق

وراصص الكراسي

لحبايبي بس وناسي».