خالد الصاوي عن أصعب فترات حياته: ألحدت وربنا أنقذني أكثر من مرة في اللحظة الحرجة

تحدث الفنان خالد الصاوي عن أصعب فترات حياته، وخاصةً في الثلاثينيات والأربعينيات من عمره.

قال خالد الصاوي عبر تصريحات تلفزيونية: «كنت ملحد سنين، كان بالنسبة لي القضية إزاي؟ كان عندي إيمان قلبي شوية، في نوع بيسموه الإلحاد بس صوفي».

أصعب فترات في حياة خالد الصاوي

وتابع: «بمعنى إنها قضية لا يمكن حسمها، 50% فيه إله، و50% مفيش، لأنه الحواس مش موصلة لك، والاستنتاج العقلي بيدي لك الاتنين، ممكن يقول لك أحيانًا طبعًا في إله، وأحيانًا تانية يقول لك لأ».

واستكمل خالد الصاوي: «أنا وصلت لها بالقلب مش بالعقل، لما بليل بتعرض لموقف وأبقى حاسس إن أنا هموت وهتشل أو هروح المستشفى، وأقول يارب أنقذني ليس من الرجولة بقى ولا النخوة إنك تصحى الصبح وتكفر به».

تصريحات خالد الصاوي

واختتم: «وكذا مرة ينقذني في اللحظة الحرجة، بس لو أنت شوفت بيعمل معايا إيه وبينقذني إزاي لازم تؤمن، وتعاطيت المخدرات أنا وصلت للحافة من كل شيء، ما بين الحياة والموت، وما بين العقل والجنون وما بين المشروع والجريمة».

خالد الصاوي