خالد الصاوي: مش عايز 50% من اللي قدمته في مشواري الفني

أكد الفنان خالد الصاوي، أنه ارتكب العديد من الأخطاء خلال مرحلة شبابه معلقا «50% من اللي عملته في حياتي الشخصية والفن مش عايزه، و50% راضي بيه وفخور».

وقال الصاوي خلال تصريحات تلفزيونية «بقول للشباب بشكل عام فيه حاجات بلاش تيجي جنبها، متشربش حاجة غلط، ومتعملش علاقات غلط، أنا مش ممكن أقول كده غير لما أكون وقعت فيها وملقتهاش صح».

وحول ندمه على فيلم عمارة يعقوبيان قال الصاوي «لست متأكدا أن الفنان الكبير محمود حميدة رفض المشاركة في الدور قبلي كما يردد البعض، أعلم أن بعض الفنانين الكبار قلقوا من قبول الدور الذي قدمته»، معلقا «النهاردة شايف إن الفنانين دول عندهم حق».

تصريحات خالد الصاوي عن عمارة يعقوبيان

وواصل الفنان خالد الصاوي «لم أندم على المشاركة في فيلم عمارة يعقوبيان، لكن من رفضوا الدور عندهم حق، كونهم خافوا أن يكون الدور سببا في توجيه سباب لأبنائهم»، مضيفا «أنا كنت لوحدي في الحياة وبلعب بوكس، في اللي هيكلمني هكسر وشه -مازحا- كنت متصور بغباء إني هاخدها بالدراع».

وتابع «بصفة عامة أدركت إن الحياة ليست بالذراع، لكن القوة بجميع أنواعها جزء أساسي منها».

خالد الصاوي بتصريح ناري: الفن أنقذني من الإجرام وأحمد حلمي صاحب فضل عليّ

محمد نجاتي: مش هشتغل رقاصة وأرفض دور خالد الصاوي في عمارة يعقوبيان