خلاف على الهواء بسبب الاعتراض على إقامة الأفراح.. فيديو

انتقدت إيمان عبد العزيز، المعارضة لإقامة الأفراح، إقامة فرح للعروسين للاحتفال بمناسبة زواجهما، قائلةً: «ممكن نعمل فرح نفرح الناس كلها، وإحنا مش مبسوطين من جوانا ومش فرحانين بتعليقات بعض الناس وتنمرهم على بعض».

وأضافت إيمان عبد العزيز خلال لقائها مع الإعلامية دينا رامز والإعلامية آية شعيب ببرنامج صباح البلد المذاع على قناة صدى البلد، «الأهم هو إني ممكن أجمع الناس القريبة مني واللي هتكون فرحانة ليا من قلبها، وممكن نسافر برا نتفسح أنا وزوجي وخلاص».

على الجانب الآخر، قالت روشان البنداري، المؤيدة لإقامة الأفراح، «مش ندمانة على إقامة الفرح، والأهم هو وجود أصحابي وزملائي وحبايبي كلهم، ومش متضايقة عشان معرفناش نعمل شهر العسل اللي كنا مخططين ليه».

وأردفت روشان: «كنا محددين تكلفة معينة لقضاء شهر العسل في أحد الدول الأوروبية، ثم تم تغييرها في دولة عربية قريبة، ثم إلى قضاء أسبوع في البحر في مصر، ثم الإلغاء نهائيًا بسبب المصروفات».