درة تعلق على مشهد ضربها لأحمد العوضي: بحييه على شجاعته وصورناه وسط الناس في الشارع

تحدثت الفنانة درة عن كواليس مشاركتها في مسلسل علي كلاي، ومشهد ضربها للفنان أحمد العوضي.

قالت درة عبر تصريحات تلفزيونية: «عايزة أحيي أحمد العوضي إنه يبقى البطل الشعبي اللي بيطلع يضرب ومعروف إنه بيعمل أكشن وبيلعب ملاكمة، ويقبل يعمل مشهد بينضرب فيه بالقلم من واحدة ست».

تعليق درة على ضرب أحمد العوضي بالقلم

وتابعت: «ده معناه إنه فنان حقيقي مش عايز يستعرض فقط، وطبعًا ده عمل تعاطف مع الشخصية وفادها، وإحنا عندنا أسرار في التمثيل والتنفيذ، هو بيبقى حقيقي ومش حقيقي، حقيقي لدرجة ما لكن مش بالقوة اللي بتبان».

واستكملت درة: «المشهد ده اتصور في الشارع حقيقي، وأنا بمثل قدام ناس حقيقية في وسط البلد كأنه مسرح وكلهم بيتفرجوا علينا ده كان ليها صعوبة تانية».

تصريحات درة

وأشارت إلى أنها كانت تبحث منذ فترة عن دور مختلف يشبه شخصية ميادة، التي قدمتها في مسلسل علي كلاي، وموضحة أن معظم الأدوار الناجحة التي قدمتها، ومن بينها دورها في مسلسل سجن النسا، كانت بعيدة تمامًا عن شخصيتها الحقيقية.

وأكدت درة أنها شعرت في البداية بالتردد عند قراءة دورها في مسلسل علي كلاي، بينما كانت أول تجربة لها في تقديم شخصية فتاة شعبية كانت من خلال فيلم الأولة في الغرام من تأليف الكاتب الراحل وحيد حامد الذي قدمها لأول مرة في هذا النوع من الأدوار، قبل أن تقدم لاحقًا أدوار مشابهة في مسلسلات «العار ومزاج الخير والريان وآدم وسجن النسا».