دعاء فاروق تهاجم تصريحات الفنانين حول المساكنة

ياسمين حمادة 07 يونية 2023 | 12:16 مساءً

علقت الإعلامية دعاء فاروق على تصريحات المساكنة لعدد من الفنانين أخرهم الفنانة بسنت النبراوي والفنان يوري مرقدي.

دعاء فاروق تعلق على تصريحات المساكنة

قالت الإعلامية دعاء فاروق في مقطع فيديو لها عبر حسابها الرسمي بموقع انستجرام: «إحنا بقينا بنتكلم عن المساكنة وكأنها شيء عادي».

وتابعت: «المساكنة هي الزنا ... وإزاي فنانة تطلع تصرح وتقول لو المساكنة مش حرام كنت عملتها.. إنتي مدركة بتقولي إيه بتقولي لو الزنا حلال كنت عملته».

واستكملت: «أنا مالي إن في اتنين برا عملوا كدا في مجتمع لا يمت لديننا ولا لمجتمعنا بصلة، خلاص نتعامل معاه كأمر واقع؟، وهي المساكنة بقت موضوع عادي نتناقش فيه؟ بكرا نسمي بيوت الدعارة بيوت السعادة ونسأل الشباب تحب تروح بيوت السعادة؟».

دعاء فاروق تعلق على تصريحات المساكنة

تصريحات بسنت النبراوي عن المساكنة

ومن جانبها، أوضحت الفنانة بسنت النبراوي رأيها في المساكنة، قائلة: «المساكنة أولا حرام في الدين، لكن لو كانت مش حرام كنت هقول أوكي ده حقي ولو في حاجة الدين مش محرمها مش مهم المجتمع فيها أوي، الدين الأول والأهم، وحتى لو قعدتوا في المساكنة شهر أو سنة».

وأضافت في تصريحات تلفزيونية: «ممكن يبان شوية حاجات، لكن لما تبقي مراته وعلى ذمته وامتلكك ممكن يظهر الوجه القذر والأقذر وفي المساكنة الراجل ملوش سلطة عليكي، ممكن في لحظة تمشي غير لما تبقي مراته».

يوري مرقدي عن المساكنة

أثار المطرب اللبناني يوري مرقدي الجدل خلال الساعات الماضية، عقب اعترافه أنه لا يتقبل الدين هو وزوجته وعن تضامنه مع فكرة المساكنة.

قال يوري مرقدي في تصريحات تلفزيونية: 'أنا وألفت زوجتي شخصان غير متدينين، واحنا الاتنين ضد الدين واحنا مش ملحدين وبرفض اللي الدين بيعمله وولا مرة من بداية الدين في التاريخ لدلوقتي قرب الناس من ربنا بيبعدهم بس وهذه قناعاتي الشخصية'.

وتابع: 'عملنا مساكنة أنا وزوجتي قبل الزواج وماكنش هاممني ولا كنا مستنيين رأي حد في اللي بنعمله وبنتي الكبيرة دلوقتي عملة مساكنة في كندا، ازاي يعني واحدة تتجوز واحد وتتفاجئ بعدها بكام يوم ان فيه حاجات مش عاجباها فيه والجواز ده فكرة مصرية من مئات السني'.

بسنت النبراوي