دنيا سمير غانم توجه الشكر لصناع وضيوف شرف مسلسل جت سليمة

ياسمين حمادة 22 ابريل 2023 | 08:03 مساءً

علقت الفنانة دنيا سمير غانم على نجاح مسلسل جت سليمة، الذي أعادها لدراما رمضان بعد غياب استمر أكثر من 3 سنوات.

دنيا سمير غانم مسلسل جت سليمة

نشرت دنيا سمير غانم مجموعة صور من كواليس مسلسل جت سليمة، عبر حسابها الرسمي بموقع انستجرام، وعلقت قائلة: «شكرا للنجوم ضيوف الشرف الكبار أوي اللي بجد نورونا و ماحدش اتردد فيهم لحظة واحدة و كلهم جايين مش فارق معاهم حتي إيه الدور اللي هيعملوه أو مساحته قد إيه.. هم بس جم عشان يقفوا جنبنا».

وتابعت: «أحمد فهمي.. أشرف عبد الباقي.. كريم عفيفي.. عم صلاح عبد الله.. سلوي عثمان.. إيمان السيد.. فتوح أحمد.. علاء زينهم.. أحمد سلطان.. شكرًا المؤلف الجامد كريم يوسف وفريق الكتابة سامح جمال وندي عزت وأشرف نصر.. أنتوا تفوقتوا علي نفسكوا عملتوا حدوتة فيها كل أنواع الدراما».

دنيا سمير غانم وفريق مسلسل جت سليمة

وأضافت: «كوميدي ساسبنس خيال فانتازيا كمان اديتوا مساحة للأغاني تكون في مكانها مش مقحمة.. شكرًا حسام حبيب مدير التصوير الجامد قوي اللي مش مهم عنده أي حاجة غير انه يطلع صورة مختلفة و مميزة ولايقة مع مود الحدوتة وشكرًا

لفريق التصوير الجامد.. شكرًا للعبقري مهندس الديكور سامر الجمال والمهندس احمد صبري والمهندسات الشاطرين همسه ورشا.. انتوا أبدعتوا في وقت قياسي وتعبتوا أوي و الحمد لله تعبكوا كان واضح جدًا».

ووجهت دنيا سمير غانم رسالة لباقي فريق العمل قائلة: «شكرًا حسن مصطفى مصمم الأزياء المميز جدًا، مش ممكن الاهتمام و الشطارة حتى في التفاصيل وإكسسوارات الشخصيات كلها.. شكرًا مايا حداد الشاطرة جدااااا كعادتك طبعًا.. جينا بقي للثلاثي اللي حققلي أحلامي في الأغاني سواء في مسرحية آنستونا او في مسلسل جت سليمة.. شكرًا للشاعر الجامد أيمن بهجت قمر.. أنا مش عارفة أقول لك إيه بجد».

دنيا سمير غانم وفريق مسلسل جت سليمة

دنيا سمير غانم وعمرو مصطفى

واختتمت تعليقها موجهة رسالتها للكاتب أيمن بهجت قمر وللملحن عمرو مصطفى قائلة: «إزاي ما شاء الله بتترجم معني الأغنية اللي مطلوبة منك بسلاسة وتميز و في نفس الوقت مفردات جديدة و قريبك مننا كلنا.. شكرًا للملحن المميز جدا عمرو مصطفي اللي بيتميز برقي رهيب في الألحان حتي لو بيلحن أغنية شعبية التفوق مش جديد عليك.. شكرًا للموزع الجامد نابلسي اللي بيبَروِز اللحن و الكلام».