دينا: الرقص فيه جزء من الحرمانية.. ومعنديش جوازة مستخبية

تحدثت الراقصة دينا عن رأيها في حرمانية الرقص، وعلاقتها بابنها، والمنافسة مع الراقصات الأجنبيات.

قالت دينا عبر تصريحات تلفزيونية: «اللي بعمله فيه جزء من الحرمانية على صعيد اللبس والتمايل وسط الناس، والرقص لو استغليناه راقي هيبقى تمام».

تصريحات دينا

وتابعت: «واللي أنا بعمله هتحاسب عليه عند ربنا محدش له دعوة، وأنا بحترم نفسي وربنا هو وكيلي».

وقالت دينا عن المنافسة بين الراقصات: «مش عارفين يعملوا منافسة مع الأجانب، فيه راقصات شرقي كتير، لكن المصريات منهم اللي لسه بيحاولوا يطلعوا مش حلوين للأسف، حلاوتهم ما بتضاهيش الموجودين، والمنافسة ضعيفة».

أسرار دينا

واستكملت: «الناس اللي مش بتحب مهنتي مش عايزة أعرفهم أو أشوفهم، وأنا مش شيخ عشان أقول الرقص حلال أو حرام، وأنا بحب الرقص وبحترمه وبحترم نفسي ومش بفكر في الاعتزال».

وأشارت إلى أنها قد لا تنزعج نفسيًا إذا أقدم ابنها على خطوة المساكنة، وتعتبره حرًا في اختياراته، ولا تملك أن تفرض عليه قرارًا بعينه.

وفيما يخص زيجاتها، قالت: «أنا اتجوزت 9 مرات، وممكن أتجوز في أي وقت، ومعنديش جوازة مستخبية»، لافتة إلى أن جميع زيجاتها انتهت بالطلاق، بعدما طلب منها أزواجها الاعتزال وترك الرقص بسبب حديث البعض بشكل سلبي عن مهنتها.

واختتمت دينا: «وافقت أكون زوجة ثانية وأنا حرة، وكنت شايفاها حاجة لذيذة إني أعمل حاجة من ورا الناس وكنت صغيرة في السن».