رحمة أحمد توجه رسالة إلى المنتجين : «غيري كتير جدا محتاجين فرص»

وجهت الفنانة رحمة أحمد  رسالة إلى المنتجين بشأن التعامل مع الممثلين الشباب وحاجتهم لفرص عمل .

وكتبت رحمة أحمد عبر حسابها الشخصي بموقع التدوينات الصغيرة «تويتر»، « كلمتين لازم يتقالوا قبل رمضان ما يخلص، بطلب بكل أدب وتقدير من المنتجين والمخرجين وأي ممثل كبير يقف مع أي موهبة صاعدة ممكن تقدم حاجة جديدة».

وأضافت، «مش لازم نفضل على نفس الأسلوب القديم في اختيار الممثلين الجداد، ميكونش ممثل لسه بيبدأ مشواره في طريق التمثيل وتفرض عليه أسلوب وتحجيم وطريقة تعامل تكرهه في المجال».

وأكدت، «أنا يمكن ربنا أكرمني في بدايتي بالأستاذ أحمد أمين واتعلمت منه كتير وشجعني، مع أني مكنتش يعتبر في المجال وكان أخري مسرح الجامعة اللي بعتز بالفترة اللي قضيتها فيه، ومن بعده الأستاذ أحمد مكي ومخرج وطاقم العمل كله ساندوني وساعدوني جدا وإلي حد ما الحمدلله بقيت موجودة» .

وتابعت، «غيري كتير جدا محتاجين فرص وعندهم طاقات وإبداع يمكن أكتر مني بمراحل، بس اللي مش لاقي فرصة واللي بيتحجم واللي بيكره الفن من قبل ما يدخله بسبب لأشخاص في المجال قابلته في حياته، منهم اللي بيدفن موهبته بإيده ومنهم اللي بيتجه للسوشيال ميديا ويمكن حد كبير من المجال بالصدفه يعجبه فيديو ليه ويديله فرصة».

وأنهت حديثها،« بعد إذن كل الناس ياريت مساندة عشان نطلع وجوه جديده، واللي أكيد هتفيد الفن أكتر مني ومن كتير موجودين بس لأنهم قرايب لدا او قابلين للتحجيم والممارسات اللي بتحصل معاهم في بدايتهم. وبعتذر عن الإطالة».

وشاركت رحمة أحمد ضمن أبطال مسلسل «الكبير أوي 6» المعروض خلال شهر رمضان الجاري، إلى جانب أحمد مكي، هشام إسماعيل، محمد سلام، بيومي فؤاد، حسين حجاج، مصطفى غريب، حاتم صلاح وعدد من ضيوف شرف.

كواليس اختيار أحمد مكي لـ رحمة أحمد فى دور «مربوحة»

رحمة أحمد عن دورها في الكبير أوي :«أحمد مكي كان بيدعمني ودنيا سمير غانم لا تُقارن بأحد»