رسائل مهمة من السيسي للمصريين: التحديات كبيرة.. لن أبيع الوهم.. لا تصالح مع من يسعى لهدم مصر.. والوعي سلاحنا

قال الرئيس عبد الفتاح السيسي، إنه دائمًا ما يركز على الحديث عن فكرة الوعي، موضحًا أن القضية التي دائمًا ما يشير إليها هي الحفاظ على الوطن.

وأضاف الرئيس السيسي، خلال الندوة التثقيفية الـ32 للقوات المسلحة، أن الحروب التي كانت تخوضها مصر لهدم الدولة كانت حروب مباشرة، على عكس الحروب الحالية التي عبارة عن أجيال جديدة، حيث تتعامل مع قضاينا، ليتمكن الرأي العام بأن يكون من أدوات التدمير.

وتابع الرئيس السيسي، أن الناس لها آمال وأحلام والدولة قد لا تستطيع تحقيقها وعليهم معرفة التحديات، مضيفًا: «احنا بنبني ونعمر وعايزين نساعد الناس وعلشان كده ربنا هيساعدنا.. عندي تحديات كتير ولكن أنا لا أبيع الوهم ولا أضحك على الناس وأواجهكم بالواقع والتحديات حتى نعبر بمصر إلى بر الأمان».

واستكمل أن القضية المهمة الخطيرة هي استقرار الدولة وأن تقف صامدة، وكل من يريدون هدم الدولة هو تحريك شعبها ونشر الأكاذيب والشائعات، موضحًا أن الجيل الرابع والخامس من الحرب موجود ومستمر، والتحدي الموجود حاليًا هو صلابة واستقرار الدولة بوعي شعبها الذي لابد وأن يكون وعيًا حقيقيًا.

وأوضح: «احنا بنموت نفسنا عمل وجهد وفكر علشان نطلع بفضل الله بالدولة دي لقدام، وبقولها لكل المصريين حافظوا على استقرار الدولة دي هتطلع قدام وتنمو وتكبر».

وأضاف الرئيس السيسي، أن أعداء الوطن ينشرون الأكاذيب والشائعات من أجل إسقاط الدولة وتكاتف الشعب ووحدته هو الضمانة الرئيسية لمواجهة التحديات.

وتابع الرئيس السيسي: «والله والله لاحاجي الكل يوم القيامة على اللي احنا بنعمله في بلدنا، والصعوبات اللي بتقابلنا هي إنهم عايزين يوقعوا الدولة، والله ما تحقق في الـ6 سنوات اللي فاتوا يساوي 20 سنة في كل شيء، ولسه كمان قدامنا 50 سنة شغل نقدر نعملهم في 6 سنوات ولكن بعون الله».

واختتم حديثه: «إن كنتوا عايزين تتصالحوا قولوا لي بس أنا ماقدرش اتصالح مع اللي عايز يهد بلادي ويأذي شعبي وأولادي، ولو كان اختلف معايا كنت هرحب بالتصالح، ولكن هقدر أصالحك إزاي وأنت شعب مصر هان عليك وبتقتل وتدمر ومستعد تشرد الناس وعايزهم يبقوا لاجئين، لو أنت قولت لاجل خاطر الناس في مصر بلاش كنت قولت ضميرك وإنسانيتك موجودة لكن أنت لا عندك دين ولا ضمير، وأنا قعدت مع الناس دي سنة ونص سألتهم هتعملوا إيه في مشكلة التعليم والصحة والإسكان والأزمة الاقتصادية الموجودة والله العظيم ما لقيت منهم إجابة.. دول مش عارفين تحديات الدولة وإزاي هيحلوا المسألة».

السيسي: أعداء الوطن ينشرون الأكاذيب والشائعات من أجل إسقاط الدولة

السيسي: «والله لأحاجي الكل يوم القيامة على اللي احنا بنعمله في بلدنا»