صابر الرباعي يطرح أحدث أعماله الغنائية «الباشا».. فيديو

طرح الفنان التونسي صابر الرباعي، منذ قليل، أحدث أعماله الغنائية بعنوان «الباشا»، على طريقة الـ Lyrics Video، عبر قناته الرسمية على موقع يوتيوب، بالإضافة إلى العديد من المواقع والتطبيقات الموسيقية الرقمية.

وتعاون الفنان صابر الرباعي في أغنية «الباشا»، مع الشاعر محمد أبو نعمة، والملحن محمود خيامي، والموزع طارق عبد الجابر، وميكس وماستر خالد رؤوف.

كلمات أغنية الباشا لـ صابر الرباعي:

«الباشا ابو وردة في خده

بيمسي علي الحلوين

ده جمال اصلي بتاع بلده

وماشوفتش زيه اتنين

من كتر العظمة يعدي

قلبي بيشبع دقات

ده جمال واصل ومعدي

ماهو برضه الناس مقامات

الباشا اما بيتكلم وكأنه بيعزف عود

سلمت وقلبي استسلم

لجماله بدون مجهود

علي سنجة عشره وبارع

راسي في حتته وكبير

لما بينزل في الشارع

تترص الناس طوابير

للباشا للباشا

تترص الناس طوابير

الباشا ياناس متربي

ع العز وع الاتيكيت

ببصم وبقول بالعربي

انا من قلبي اتشديت

شبعان لف و بتسوح

والباشا يا ناس تقلان

ده انا من حيرتي وانا مروح

بتلخبط في العنوان

الباشا أما بيتكلم

وكانه بيعزف عود سلمته وقلبي استسلم

لجماله بدون مجهود

علي سنجة عشره وبارع

راسي في حتته وكبير

لما بينزل في الشارع

تترص الناس طوابير

للباشا للباشا

تترص الناس طوابير».