طليقة مطرب المهرجانات مسلم تنهار من البكاء: هبوس إيدك عشان تصرف على ابنك؟

أثارت ضحى طليقة مطرب المهرجانات مسلم ضجة واسعة وجدلًا كبيرًا الساعات الماضية، بسبب أزمتها معه وانهيارها من البكاء بسبب تجاهله لابنه ورفضه الإنفاق عليه.

قال طليقة مطرب المهرجانات مسلم في بث مباشر عبر صفحتها الشخصية بموقع فيس بوك، إنها تمر بظروف مادية صعبة، مشيرة إلى تراكم الديون عليها وعجزها عن توفير الاحتياجات الأساسية لطفلها.

أزمة طليقة مسلم

وأشارت إلى أنها اضطرت لتغيير سكنها 3 مرات خلال فترة قصيرة، لعدم قدرتها على دفع الإيجار، معلقة: «اتنقلت 3 مرات عشان مش معايا فلوس أدفع الإيجار، مش عارفة أدخل ابني المدرسة ولا أجيبله حاجة، أنا عليا ديون بفلوس كبيرة، أنت بتتهرب من ابنك ليه؟، هو أنا هبوس إيدك عشان تصرف على ابنك؟».

وأكدت طليقة مسلم أنها حاولت على مدار عامين إقناع طليقها بتحمل مسؤولياته تجاه ابنه، دون جدوى، مضيفة: «بقالي سنتين بحاول معاه عشان يصرف على ابنه ومفيش فايدة».

وأضافت: «أنا مش بتاعة أذية، بس إنه يفرق بين ابنه وغيره دي حاجة صعبة»، موضحة أن المبلغ الذي تحصل عليه منه ضئيل للغاية ولا يتناسب مع مستوى معيشته، معلقة: «اللي باخده ميجيش تمن كوتش من اللي بيلبسهم».

تصريحات ضحى طليقة مسلم

كما أعربت عن صدمتها من تصريحات سابقة له قال فيها إن ابنه «بالنسبة له ميت»، متسائلة: «هو عمله إيه عشان يقول عليه كده؟»، مؤكدة أن كل ما تطلبه هو توفير حد أدنى من المصاريف لتأمين حياة كريمة لطفلها: «أنا مش عايزة غير إنه يساعدني في مصاريف ابنه».

وقالت ضحى طليقة مسلم أيضًا: «أنا مش بتاعة أذية بس إنه يميز حد عن حد دي صعبة على ابنه، وأنا باخد منه مبلغ تافه مايجيش تمن كوتشي من بتوعه، ولا الأماكن اللي بيروحها، ليه يخرج يقول إن ابنه بالنسباله ميت؟ عمله إيه؟، وابنه مايعرفوش إلا من خلال النت».

واختتمت حديثها بأنها حاولت الوصول إلى حل دون اللجوء إلى القضاء، ولكن جميع المحاولات باءت بالفشل إلى أن رفعت قضية نفقة لطفلها، قائلة: «كنت بتحايل عليه يشوف ابنه ومفيش، رفعت قضية ووالدي اللي بيصرف عليا بسبب تأخير النفقة، والفلوس مش بتدفع شهر بشهره ولازم تنفيذ المحكمة يا إما يتهرب يا ينقل من مكان لمكان، كل 5 شهور باخد فلوس ويطلع عيني بمحايلات».

كما وجهت رسالة لزوجته الحالية، قائلة: «في حد بيساعده علشان ميصرفش على ابنه، والفلوس اتعطلت من مراته، أنا ست زيي زيك المفروض تحسي بيا أني معايا طفل وأنتي بطولك، وأنتي كذا مرة تدخلي تستفزيني وبعدي الدنيا، ولكن عند رزق ابني كمان وبتعطلي الدنيا؟، حسبي الله ونعم الوكيل أنا مش مسامحة، وهو قالي قبل كده ابقي جيبيني بقى ودوري عليا، أنا عملتلك إيه؟، رمتني وأنا حامل وولدت وربيت لوحدي وسكتنا، أتنازل بعد ده كله؟».