طليق زوجة حسن شاكوش: سلمتهم القايمة ومعايا شهود وخدوا كل حاجة بالشقة

إسماعيل هاني 07 مايو 2023 | 09:02 مساءً

تحدث أحمد طليق ريم طارق، عما يخص قايمة الزواج الخاصة بطليقته ريم الزوجة الحالية لـ مغني المهرجانات حسن شاكوش التي ظلت زوجته لمدة عام، وانفصل عنها.

طليق ريم طارق: سلمتهم القايمة ومعايا شهود

وقال طليق ريم، ببرنامج تفاصيل تقديم الإعلامية نهال طايل والمذاع على قناة صدى البلد: سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها.

طليق ريم طارق: عايزهم يتنازلوا عن القضايا اللي رفعوها عليا

وتابع طليق زوجة شاكوش الحالية: لقيت الشقة فاضية، وأنا معنديش مشكلة في الحاجة اللي خدوها مش عايزها بس عايزهم يتنازلوا عن القضايا اللي رفعوها عليا.

بداية تعرف ريم طارق وطليقها الأولاني

وعن بداية تعرفه بها في البداية قبل الزواج، قال طليق ريم طارق على قناة صدى البلد: أنا كنت ساكن في فيصل وهي كانت من سكان فيصل جنبي وكنت أعرفها من قبل أهلها ما يعرفوني، ودخلت البيت من بابه ووافقوا، وأثناء مرحلة الجواز مشيوا من فيصل وسكنوا في الشيخ زايد.

طليق ريم طارق: مش طالب غير اني عايز اعيش في استقرار

وحول صحة تعديه عليها، فقال طليق ريم طارق: أنا مكنتش بضربها ومضربتهاش علقة موت، وعمري ما ممديت ايدي عليها، وكل مشكلة كنت بشتكي لوالدها، وكان فيه ظروف معينة للطلاق ولما حصل مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير اني عايز اعيش في استقرار.

وأضاف طليق ريم طارق ببرنامج تفاصيل على قناة صدى البلد: مرفوع عليا قضايا منقولات وايصالات أمانة، وكل اللي عايزه منها تتنازل عن القضايا اللي رفعاها عليا وربنا يسعدها في حياتها، واتفرض عليا الطلاق ومكنتش عايز أطلقها، وطلقتها وخدت حقوقها الكاملة، وأنا مرفوع عليا قضايا في المحاكم وخدت كل حقوقها أخدتها.