عارفة عبد الرسول تكشف تفاصيل وقوعها ضحية رامز جلال: صدمتي النفسية محتاجة علاج

ياسمين حمادة 22 ابريل 2023 | 09:11 صباحاً

كشفت الفنانة عارفة عبد الرسول تفاصيلها وقوعها ضحية مقلب الفنان رامز جلال في برنامجه التلفزيوني، آخر أيام رمضان 2023.

عارفة عبد الرسول مع رامز جلال

كتبت عارفة عبد الرسول في منشور عبر حسابها الرسمي بموقع فيس بوك: «اتصلت بيا واحدة وبكل الحب قالتلي إحنا بنفتخر بيكي ونفسنا تحضرى معانا افتتاح محل في البوليفارد.. من فرحتي مسألتش محل ايه لأن كان نفسي أروح السعودية وكل اللي شغلنى الوقت وزنقه رمضان».

واستكملت: «بس البنت كانت شاطرة وعرفت تدبر الميعاد.. أخلص تصوير واطلع ع المطار الحق آخر طيارة افتتح المحل وأطلع ع المطار.. كده يعني صد رد ولكم أن تتخيلوا الإرهاق والتعب.. من أول ماحطيت رجلي في المطار وأنا بأعامل كملكة.. خدمة مرحبا وكبار زوار وحوسه.. وصلت أخدتني عربية فارهة إلى فندق هيلتون الرياض».

عارفة عبد الرسول مع رامز جلال

عارفة عبد الرسول ورامز جلال

وتابعت الفنانة عارفة عبد الرسول قائلة: «ونزلت في حته نتفه سويت يجري فيه الخيل وكل حاجه تاتش بقيت خايفة ألمس حاجه تفرقع في وشي.. الروم سيرفز كل شويه يخبطوا جايبين تحيه من مدير الأوتيل وكارت بالإنجليزى معناه إن إداره الاوتيل في غاية الانفشاح لاستقبالي».

وقالت أيضًا: «افتح التليفزيون ألاقي صوري بفيديو لطيف وقد إيه إحنا مش مصدقين إنك معانا.. تخيلوا معايا بس الحالة اللي أنا فيها.. الصبح جم بنات كوافير وماكيير والبنت اللي اتصلت بيا واسمها شريفة بقت تسألني أسئله عرفت بعدين إنها بتشوف شغلها.. اطمنت عليا لأني جايه من تصوير وأصرت إني أطلب أكل واكل قبل ماننزل».

وكتبت أيضًا: «وصلت قابلتني المذيعة الجميلة كارلا المريحة للعين والقلب وخضت تجربة السهم والخيل وأنا فرحانة وقصيت الشريط بمقص تحفة ودخلت ع المطعم اللي كل حاجه فيه بتلمع قوي والشياكه والجمال وأنا بازداد سعادة وفرحة مافرحتهاش عمري».

عارفة عبد الرسول في برنامج رامز جلال

وأضافت عارفة عبد الرسول: «وصل الشيف الكبير هو أنا فعلا استغربت شكله وقولت لنفسي إنه شبه الإرهابيين أسود في أسود كدة وأنا مشرئبه قوي وحاسة إني يسرا ولا ميرفت أمين.. هوب لبست التورتاية.. إنتوا متخيلين.. طلعت سابع سما ونزلت على جدور رقبتي.. مش مهم المقلب.. صدمتي النفسية محتاجة علاج فعلاً».

واختتمت الفنانة قائلة: «أنا بحب رامزتعرف على الضحية الـ 29 لـ رامز جلال في برنامج المقالب من زمان وعارفه أنه الواد الشقي بتاع العيله وفرحانة بيه إنه ماسك في الواد ده ومش بيتغير حتى أفلامه شقيه.. لكن برضه مش كده.. يعنى إفرض جرى لي حاجة.. أنا طول عمري صريحة معاكم وفعلاً ماكنتش اعرف وده اللي حصل.. أما الست شريفه والسيد رامز ليهم روقه بس اتعالج من الصدمه الأول».

عارفة عبد الرسول مع رامز جلال