عارفة عبد الرسول: معيشتش طفولتي وأول مرة أدخل ملاهي كان في مسلسل اللعبة

تحدثت الفنانة عارفه عبد الرسول عن فترة طفولتها وقالت إنها لم تعيشها بسبب مساعدتها لوالدها بالعمل من سن الثلاث سنوات.

عارفة عبد الرسول تتحدث عن طفولتها

وقالت عارفة عبد الرسول في تصريحات تلفزيونية: 'أعمامي 7 و ابويا أصغر واحد فيهم وفتح محل بقال، وكان بيوقفني فى المحل مكانه لأنه كان شاب وذواق بيروح للسينما ويسيبني فى المحل وأنا فى سن ثلاث سنوات ومعشتش طفولتي، وأول مرة أدخل ملاهي فى حياتي كان فى مسلسل اللعبة'.

عارفة عبد الرسول

عارفة عبد الرسول ووظائف امتهنتها بعيدًا عن التمثيل

وتابعت عارفة عبد الرسول: 'والدي كان بيديني فى الاسبوع 25 قرش، وكنت بحوشهم واشتريت بيهم حاجات ليا، وبابا تعب من البقالة فقولتله ننغير يا بابا نعمل محل كوافير فقالى مش شغلانتنا، فقولتله اتعلمها وفعلًا روحت اشتغلت فى كوافير سنة بدون مقابل، واشتغلت مع الفنان وحيد سيف كان بيعمل مسرحية في الاسكندرية، وكان فى فنانة اسمها ولاء عندها تصوير فيلم، وقالولى اعملي الدور مكانها، ورجعت تاني بعد تأجيل الفيلم فالأستاذ وحيد سيف قالي خلاص بضحكتك الحلوة دي تقعدي على شباك التذاكر وفعلًا قعدت ابيع تذاكر'.

واستكملت الفنانة عارفة عبد الرسول حديثها، وقالت: 'أنا من مواليد حى الابراهيمية بالاسكندرية لكن اتربيت فى حى الحضره، وبابا سمانى عارفه على اسم جدتى وكنت مش بحب الاسم، وكانوا بيندهولى فى العيلة بميرفت واكتشفت بعد كده ان الاسم حلو'.

عارفة عبد الرسول

عارفة عبد الرسول وأزمة المايوه

أما عن أزمة المايوه التي ظهرت به عارفة عبد الرسول، فقالت أنها كانت سعيدة بعد نشر صورتها بالمايوه مشيرة إلى أن ردود الأفعال كانت قاسية، وقالت: 'أنا اللي طلعت صورة المايوه وكنت فرحانة بيها لكن ردود الفعل كانت صعبة، أنا لا اعرف تاريخ ميلادى شهر كام بالظبط لان كان عندى بنت خالى مديرة مدرسة ولعبت فى شهادات ميلاد العيلة كلها علشان دخول المدارس انا مواليد سنة 53، لكن مش عارفة برجى ايه'.

عارفة عبد الرسول تكشف تفاصيل وقوعها ضحية رامز جلال: صدمتي النفسية محتاجة علاج

تصريحات عارفة عبد الرسول عن جراءتها: لساني فالت أعمل إيه ومبقصدش حاجة

عصام عمر بطل مسلسل بالطو يؤيد عارفة عبد الرسول بعد نشر صورتها في البحر

عارفة عبد الرسول: اشتغلت في محال بقالة.. وجوزي بيقولي يا أستاذة

عارفة عبد الرسول عن رحمة في الكبير أوي : رجعتني 30 سنة وكأن حلمي بيتحقق