عبد الرحيم كمال: حذفت جملة من "قهوة المحطة" بعد توليي رئاسة الرقابة.. "كأنى قطعت من جلدي"

كشف الكاتب والسيناريست الكبير عبد الرحيم كمال، عن كواليس حذف جملة من مسلسل "قهوة المحطة" بطولة الفنان أحمد غزي، والذي عُرض في موسم رمضان الماضي وحقق نجاحًا جماهيريًا واسعًا، موضحًا أن هذا القرار اتخذه بنفسه بعد توليه منصب رئيس الرقابة على المصنفات الفنية.

وقال عبد الرحيم كمال، خلال ندوة "صناعة السينما" ضمن فعاليات مهرجان الجونة السينمائي، إنه بمجرد توليه المنصب مع بداية شهر رمضان، اتصل بالمخرج إسلام خيري في تمام الساعة الثانية عشرة منتصف الليل، وطلب منه حذف جملة من الحلقة الثالثة عشرة، مؤكدًا أنه قال له بالحرف: "احذف الجملة دي وعلى عيني اتحذفت".

وأضاف كمال: "دي كانت لحظة فارقة، لأن في أي عيلة في الدنيا فيه اللي بيحب شغلك، واللي بيسألك سؤال سخيف: ليه خليتها تقول كده؟، واللي بيبقى على نياته. وأنا في اللحظة دي كنت جزء من العيلة دي مش الفنان اللي شايف نفسه دايمًا على حق".

وتابع: "على عيني اتحذفت الجملة كأني بقطع من جلدي، بس كان لازم أراعي الأمانة. ولو سيبت رئاسة الرقابة على المصنفات الفنية هرجع الجملة تاني، بس دلوقتي أنا بقيت مسؤول عن ناس ممكن يكون عندهم نظرة مختلفة، وأنا جزء من نسيج البلد".