عزوز عادل: أقدم شخصية ضابط في بابا المجال.. والمسلسل فكرني بـ ليالي الحلمية.. خاص

عزوز عادل يشارك في موسم مسلسلات رمضان 2023، من خلال مسلسل بابا المجال أمام الفنان مصطفى شعبان.

عزوز عادل يتحدث عن مسلسل بابا المجال

قال الفنان عزوز عادل في حديثه، لموقع قناة صدى البلد: 'أكتر حاجة حمستني للمشاركة في مسلسل كبير زي مسلسل بابا المجال، هي الدراما الاجتماعي المختلفة، اللي بتفكرنا بدراما زمان زي ليالي الحلمية وارابيسك والشهد والدموع، وأنا بقرأ شدني الموضوع وحسيت إننا بنعمل دراما اجتماعية حقيقية بشخصيات واقعية، فتحمست إني جزء حتى ولو جزء صغير من العمل ده لأنه هيفرق معايا ومع زمايلي جدًا، وكلنا بنقدم شخصيات مختلفة عن أي شخصية قدموها قبل كده'.

شخصية عزوز عادل في مسلسل بابا المجال

وكشف الفنان عزوز عادل عن شخصيته في مسلسل بابا المجال، وقال: 'بقدم شخصية الظابط هشام فريد، وهي شخصية الظابط الأساسي الموجود في الأحداث واللي موجود في الحارة، وبيحقق في قضايا وبيفصل بين الخير والشر، وبيتعاون مع كل الشخصيات اللي موجودة في المسلسل وكل واحد بتعاون معاه بطريقتي من خلال شخصيته، فهي شخصية مختلفة بالنسبالي وشايف وجودها مهم في مسلسل كبير زي ده وهي شخصية ظابط شرطة شريف بيقدر يحكم عقله بين الخير والشر، فإن شاء الله تبقى خير'.

عزوز عادل

وتابع: 'من أكتر الحاجات اللي بسطاني إني بتعامل في المسلسل مع الفنان مصطفى شعبان وهو نجم كبير ودي أول مرة اشتغل معاه فسعيد جدًا، ومستمتع، وكذلك الفنان باسم سمرة لأنه غول تمثيل، وبستمتع بالشغل معاه لأنه من أفضل واجدع وأطيب الشخصيات وطبعا الفنان رياض الخولي لأنه قيمة كبيرة، ووقوفي قدامه إضافة كبيرة جدًا وكمان صديقتي وأختي سهر الصايغ والفنانة عارفة عبد الرسول وباقي الأبطال اللي سعيد بالعمل معاهم'.

عزوز عادل

واختتم عزوز عادل حديثه، وقال: 'العمل مع المخرج أحمد خالد موسى، فهو الأخ والأستاذ لأن ده ثالث عمل اتعاون فيه معاه وهو مقتنع بيا من بداياتي، وهو بيرشحني في العمل اللي شايف إنه هيكون إضافة ليا فبشكره لأنه دايمًا ضهر وسند لينا كلنا، وإن شاء الله المسلسل هيكسر الدنيا، وطبعًا المؤلف عمرو الدرديري كاتب دراما مختلفة جدًا'.

عزوز عادل

مواعيد عرض مسلسل بابا المجال الحلقة الأولى

مواعيد عرض مسلسل بابا المجال الحلقة الأولى الجمهور يبحث عنها حاليًا بعد طرح البرومو الخاص بالعمل، والمقرر مشاركته في موسم مسلسلات رمضان 2023.

مسلسل بابا المجال الحلقة الأولى تعرض أحداثها عقب أذان المغرب على آحدى القنوات الفضائية، في أول أيام شهر رمضان الموافق 23 مارس الجاري.

مسلسل بابا المجال في رمضان 2023

أبطال مسلسل بابا المجال

بابا المجال مسلسل يخوض بطولته مصطفى شعبان، باسم سمرة، نسرين أمين، سوسن بدر، جومانا مراد، رياض الخولي، سماء إبراهيم، محمود حافظ، أحمد كشك، محمد رضوان، عارفة عبد الرسول، هبه حسن، فرح يوسف، تأليف ومن إخراج أحمد خالد موسى.

في صالون التنسيقية.. عزوز عادل يؤكد على دعم مؤسسات الدولة الفنية لإنتاج مسلسلات دينية وتاريخية

دخلت التمثيل بالصدفة.. عزوز عادل يكشف سر نجاحه في الفن.. فيديو

مسلسل بابا المجال في رمضان 2023.. سهر الصايغ بالحجاب

مسلسلات رمضان 2023 .. محمد شاهين يغني تتر مسلسل بابا المجال مع حودة بندق