علي قدورة بعد اعتزاله الغناء: هبدل الأغاني بالأدعية والقرآن

ظهر مؤدي المهرجانات علي قدورة بعد اعتزاله في مقطع فيديو جديد، عبر حسابه الرسمي بموقع الفيديوهات الشهير «تيك توك»، وقال: «الدنيا مخلصتش على الأغاني».

وتابع علي قدورة في الفيديو قائلًا: «ولا بقول حلال ولا حرام، ولكن هي خطوة حبيت آخدها والحمد لله أنا أخدتها.. حذفت كل الصور على الرغم من إنها مجرد صور على الفيس بوك وعلى إنستجرام».

اعتزال علي قدورة

واستكمل قائلًا: «ومسحت كل الأغاني بتاعتي اللي على اليوتيوب الخاص بيا وكل الفيديوهات اللي كانت على التيك توك وإن شاء الله هبدل الحاجات دي بحاجات تانية أحلى بأدعية وقرآن».

واختتم علي قدورة مؤدي المهرجانات المعتزل، قائلًا: «وإن شاء الله ربنا يوفقني في اللي جاي وحياة جديدة وأكيد جميلة».

اعتزال علي قدورة

سبب اعتزال علي قدورة

كان قد أعلن علي قدورة، مطرب المهرجانات اعتزاله رسميا الغناء، متبرئًا من كل الأعمال الموسيقية والأغاني التي قدمها.

ونشر علي قدورة عبر حسابه الرسمي على موقع «الفيسبوك» قائلًا: «السلام عليكم في يوم جمعة مبارك أنا علي عبد القادر السيد، الشهير بـ علي قدورة كنت مغني قبل النهاردة في حاجة حصلتلي مش عارف إيه هي بس الحاجة دي هي اللي بتخليني اتكلم دلوقتي، أنا بريء من كل عمل أو مزيكا عملتها في حياتي وبعلن اعتزالي عن مجال الأغاني لحد ما يفتكرني ربنا».

تصريحات علي قدورة

وتابع: «يارب سامحني عن أي حاجة أنا عملتها في حياتي أو أي حاجة صدرت مني ويارب قربني ليك وافتحلي باب رزق يرضيك ومفيهاش حاجة لو بدأت من جديد في أي شغل بالحلال وأي فلوس معايا أنا هسيبها بالرضى لأهلي ومش عارف هيبقي الصح إيه وهبقي لا امتلك إلا صفر وربنا يثبتني في الطريق ده ومش هطول عليكم بس دي نيتي وربنا كريم و كبير وغفور رحيم».

يشار إلى أنه من أشهر أغاني التي قدمها علي قدورة «مبقاش في خير في الناس، مهرجان ملكة جمال، اللي يجي يجي، مصنع أندال، عين الأعدء مش تغمض».

@ali_adoraبأذن الله للأفضل 🤲❤️♬ الصوت الأصلي - علي قدورة