عمرو عرفة عن عادل إمام : عمره ما كان بيخرج عن النص إلا في هذه الحالة

ياسمين حمادة 17 مايو 2023 | 07:33 مساءً

احتفل المخرج عمرو عرفة بعيد ميلاد الزعيم عادل إمام ، من خلال نشره مقطع فيديو من فيلم السفارة في العمارة.

عادل إمام وعمرو عرفة

كتب المخرج عمرو عرفة عن عادل إمام في تغريدة له عبر حسابه الرسمي بموقع تويتر: «الأستاذ عادل إمام جه يسألني قبل المشهد هل ممكن أرد عليه وأقول له ما تطلعوا إنتوا فوق واستناكوا أنا هنا تحت».

وتابع: «ضحكت جدًا و قبل ما أجاوب قالي خلاص هقولها طالما ضحكت.. عمره ما كان بيخرج عن النص إلا بعد الرجوع للمؤلف والمخرج».

علق عمرو رمزي على صورته مع عادل إمام التي نشرها عبر حسابه الرسمي بموقع فيس بوك، قائلًا: «إيه حكاية الصورة دي في مسلسل فرقه ناجي عطالله للأستاذ عادل إمام».

عادل إمام وعمرو عرفة

عادل إمام وعمرو رمزي

وأضاف: «وإحنا في بيروت بنصور مشاهد الجبال اللي هربنا ليها بعد عملية البنك، كنا بنصور في بيت لبناني جميل قوي وأخدنا استراحة عشان ناكل حاجة، وبعد الغدا فجأة الأستاذ عادل قالي البرنامج بتاع حيلهم بينهم كان بيضحكني قوي».

وتابع الفنان عمرو رمزي في عيد ميلاد عادل إمام، قائلًا: «وقالي أنت كنت غلس قوي يا واد بس عملت ضحك بتاعك لوحدك، والله فاكر الكلام دا بالحرف قلتله يا أستاذ دا حتة برنامج مش فيلم سينما».

عيد ميلاد عادل إمام

واستكمل: «قالي هي دي عبقريته يا عبيط و هيعيش كتير جدًا.. فأنا شيطاني قالي طيب ما نهزر شوية قلت له يا أستاذ طب ما تيجي نعمل حيلهم بينهم سوا.. قالي أنت عاوز تاخد لقطة وحركات يعني قلتله اه صراحة.. وجابولنا الكراسي وقعدت حطيت رجل علي رجل قدام عادل إمام.. وقالهم يالا صورونا».

واختتم عمرو رمزي موقفه مع عادل إمام قائلًا: «اتمطعت وقلت 3. 2. 1.. ورحت قايله ليه كل اعمالك فشلت؟... و تييييييييييت.. كل سنة وأنت بألف خير وصحة يا زعيم الضحك في العالم».

الاستاذ عادل امام جه يسئلني قبل المشهد هل ممكن ارد عليه و اقولوا ما تطلعوا انتوا فوق و استناكوا انا هنا تحت .. ضحكت جداً و قبل ما اجاوب قالي خلاص هقولها طالما ضحكت .. عمره ما كان بيخرج عن النص الا بعد الرجوع للمؤلف و المخرج . pic.twitter.com/Ksu7rKVOuB
— Amr arafa (@AArafa) May 17, 2023