عمر كمال يثير الجدل بصورته في الحرم والجمهور يرد: بتعمل عمرة وتغني ورا رقاصة

أثار المطرب الشعبي عمر كمال جدل الجمهور بصوره الأخيرة بالحرم المكي بالمملكة العربية السعودية. 

نشر عمر كمال عدة صور من أمام الكعبة المشرفة، وهو يرتدي زي الإحرام، وعلق عليها: 'شهر ١ السنة اللى فاتت ٢٠٢٠ .. كان عندى شغل ف جدة وكنت لسه مش معروف زى دلوقتى خالص وربنا كتبلى وعملت عمرة .. وقتها كان قبل شهرين من الكورونا قبل الدنيا ما تقفل كلها .. المهم روحت وقعدت قدام الحرم ودعيت ربنا بكل حاجة نفسى فيها .. قولتله يارب نفسى أخش السعودية بدعوة رسمية وأجى مهرجان كبير وصوتى يبقى مسموع .. قولتله يارب نفسى أركب عربية كذة .. قولتله يارب نفسى أسكن ف المنطقة كذة .. قولتله نفسى ونفسى ونفسى ونفسى .. وأقسم بالله مفيش حرف واحد طلبته ألا وأتحقق أكتر من اللى طلبته وزيادة'.

وأضاف: 'والسنادى روحت السعودية تانى بوضع تانى وف ظل كل الظروف و العقبات ربنا كتبلى تانى أروح وازور الحرم .. اللهم لك الحمد والشكر يارب ودعواتى المرادى تتحق كلها و أجى السنة الجاية بدعوات جديدة'. 

غضب الجمهور بشدة مما كتبه عمر كمال، واتهموه بالتناقض، حيث طرح منذ عدة أيام فيديو كليب ضيعنا الذي جمعه بالفنان عبدالباسط حمودة والراقصة الروسية أوكسانا. 

علق أحد المتابعين لصفحة عمر كمال وقال: 'فا حسيت ان دي اشارة وروحت عملت كليب رقص جامد دمار مع رقاصة روسية ..ماهو يا تعيش في دور التقي مستجيب الدعاء يا تبقي صريح قدام الناس ونفسك انك بتغني ورا رقاصة كل كام شهر في كليب جديد'.

بينما علق آخر مستنكرًا :'يعني انت كنت رايح الكعبه أشرف مكان ع وجه الأرض عشان تدعى انك تغنى الغنى الهابط بتاعك ده'.

واستنكر شخص آخر من تصرف عمر كمال ووجه له النصيحة مستشهدًا بأيات من القران الكريم :'انا عايز افهم يعني انت بتروح بيت الله تدعي انك تعمل اغنيه تكسر الدنيا و تدعي انك تترقص مع رقاصه احسن من اللي قبلها .. وبعدين تسمي ده كرم ربنا يا حبيبي ده جهل وتمادي في الطغيان.

وعلق آخر :'اذا غضب الله على عبد رزقه من حرام واذا اشتد غضبه عليه بارك له فيه'.

وتضمن فيديو كليب ضيعنا عدد من المشاهد التي لا تليق، منها القمار وظهور الخمور والراقصات. 

يذكر أن عمر كمال قد أحيا حفلين يومي الخميس والجمعة الموافق 11 و12 من نوفمبر الجاري، بموسم الرياض بالمملكة العربية السعودية. 

وتصدر فيديو كليب ضيعنا المركز الثاني من تريند اليوتيوب بعد 3 أيام من طرحه، ويقترب الآن من تحقيق 3 ملايين مشاهدة.

عمر كمال يحيي حفلاً بموسم الرياض ويكشف موعد طرح كليب ضيعنا مع عبد الباسط حمودة

عمر كمال لـ محمد هنيدي بعد اتجاه للغناء الشعبي: «بلاش فلاشة»