فريدة سيف النصر تدافع عن محمد رمضان: «بيقوم لكل كبير سن أو أقدم منه في المهنة»

دافعت الفنانة فريدة سيف النصر، عن الفنان محمد رمضان، بعدما تعرض في الأيام القليلة الماضية لهجوم بسبب تصريحات الفنانة سميرة عبد العزيز، التي اتهمته أنه قام بسبها منذ عامين .

وكتبت فريدة منشورًا، عبر حسابها الرسمي بموقع التواصل الاجتماعي «فيس بوك» قالت فيه: «محمد بيقوم لكل كبير سن أو اقدم منه في المهنة يحييه ويحترمه ويقول له أحلي تحية من نجم ميجا ستار للجميع.. مثل الراحل ريحان ويقبل يده ورأسه..عارفه عبدالرسول ويبوس ايدها..فواز..حتي العمال الكبار..محمد محترم جدا ياجماعه مع كل اللي حواليه..بالبلدي غلبان جواه الشاب اللي اتقهر وربنا اداله ومش فاهم بيتلطش ليه ده شغل ربنا وجواه عزة نفس عاجباني مابينحنيش غير لله وبيصلي فاحترمته اكتر وتاني عنده غلط اه وكلنا بنغلط ».

وسردت موقف جمعها بمحمد رمضان قالت، «علشان تعرفوا هحكى حكاية بعد إذنكم جميعًا هتعرفوا منها كتير.. قاعدين بنتفرج على مشهد وبنتكلم في الاستراحة، ودخل حبيب قلبي رياض الخولي اللي هناني بأدائي في أعمالي، ورياض معلم ونعلم جميعا قدر بعض ونحكي عن الصعوبات وذكريات ومواقف».

وأضاف، «فجأه التفت لرمضان وقال له أنا زمان كنت أنت شغال معانا وكانوا جايبين لي كرافان، ده رياض اللي بيقول وكمل دخلت لقيتك بتغير جلابية والإنتاج سمح لك فروحت مزعق وقولت مين جاب ده هنا وزعقتلك ونزلوك.. وكمل رياض وقال له أوعى تكون زعلان مني دي أخلاق رياض.. رد رمضان وقال حقك يا أستاذ وأنا عمري ما أزعل من حق حد وحضرتك على راسنا وأنا والله ما فاكر حاجة».

وتابعت، «أكيد ده اتكرر كتير مع محمد حاجات حكاها وحاجات لأ، واهو بقى له معجبين في العالم ونجم وبطل ومحبوب وماديا ماشاء الله وده رد ربنا، يوم أنا بقي ما تقابلت معاه لأول مرة لقيت فراشة حلوة طيبة جت جري عليا وبوس راس وايد وترحيب واخلاق وكلام طيب، والله العظيم باشتغل مع عيال بمعنى كلمة عيال سواء شهرة أو كم أعمال أو جماهيرية من النوعين ذكر وأنثى بتبقى بعيد عنكم ضربة القلب والغرور ياعين امهم فهمهم غلط أن التناكة بداية النجومية والنجاح..لا بيفشلوا بعد شوية، يبقي نفكر بقي بالعدل..الجدع ده اللي قد ابني بالظبط..ربنا ادالوا ليه ؟بيحبب خلقه فيه ليه؟ ان الله عنود ولايعاند..ايش دراكم اتعمل فيه ايه تاني..انا باقول اهو كده كتير».

محمد رمضان وسميرة عبد العزيز.. الخلاف يتجدد بتصريحات مسيئة وتوضيح ينهى الأزمة بعد تهديد النقابة.. فيديو

محمد رمضان يحقق نصف مليون مشاهدة فى ساعتين بكليب «ثابت».. فيديو

محمد رمضان يعلن تصوير كليب «ثابت» مع المخرج محمد سامي.. فيديو