في فيلم الفيل الأزرق.. مروان حامد يكشف تفاصيل مشهد خطير تراجع عن تصويره

كشف المخرج مروان حامد تفاصيل مشهد خطير تراجع عن تصويره، ضمن أحداث فيلم الفيل الأزرق الذي تم عرضه في 2014 أي قبل 10 سنوات.

قال المخرج مروان حامد عبر تصريحات تلفزيونية: «الفيلم بيبان في المونتاج ممكن مشهد تكون متخيله بطريقة، وفي المونتاج بتاخد قرار تاني».

المخرج مروان حامد فيلم الفيل الأزرق

وتابع: «في الفيل الأزرق الجزء الأول مشهد كريم عبد العزيز بيحكي لـ نيللي كريم عن الحادثة اللي عملها ومراته وبنته ماتوا، اللي كان مكتوب إننا هنصور الحادثة في الوقت اللي كريم بيتكلم فيه».

واستكمل مروان حامد حديثه عن كواليس فيلم الفيل الأزرق: «أما عملنا المونتاج مكناش لسه صورنا مشهد الحادثة، لقيناه مؤثر جدًا والبطل عامل مصيبة».

مروان حامد

أبطال فيلم الفيل الأزرق

واختتم: «لو كنا حطينا الحادثة كنا ممكن نفقد التعاطف، فأخدنا القرار في المونتاج إننا منصورش الحادثة، أحيانًا كتيرة أما تتفرج تشوف الحاجات ورا بعض بتلاقيها بتحكي بشكل آخر، ودور المونتير مهم جدًا».

فيلم الفيل الأزرق من بطولة كريم عبد العزيز، نيللي كريم، شيرين رضا، خالد الصاوي، دارين حداد وآخرين والعمل من تأليف أحمد مراد، والإخراج لـ مروان حامد.

فيلم الفيل الأزرق