قالي جزمة مراتي أشرف منك.. صابرين تبكي ألما بسبب ابنها وتكشف سبب دعوتها عليه أمام الكعبة

قالت صابرين السيدة التي دعت على ابنها وزوجته أمام الكعبة إنها ضيّعت عمرها كله في خدمة أولادها، معلقة: «ضيعت عليه عمري كله، 26 سنة بخدم عندك وعند غيرك، غسلت سجاجيد وحيطان، والكلور كان بيقطع في جسمي وأنا عندي حساسية، وبشهادة الناس اللي كنت بشتغل عندهم، ده مش عيب وده شرف على جبيني».

وأضافت خلال لقائها ببرنامج تفاصيل المذاع على قناة صدى البلد 2 تقديم نهال طايل:«أكلتهم بحلال ربنا، وفي الآخر ابني طعنني في شرفي هو ومراته، قال لي جزمة مراتي أشرف منك وأنضف منك ومن أي حد تعرفيه وعندي تسجيلات بده».

وعن سبب الخلاف، أوضحت: «هو قال لي أنا عايزك تخطبي لي الناس دي، قلت له وإزاي أجوزك واحدة مطلقة؟ قبل كدة جاب لي واحدة مطلقة، وقبلها واحدة مطلقة، فقلت له بلاش.. أنا عايزة أفرح بابني، راح اتعرف على واحدة من كفر البطيخ، قلت له خلاص، بس حصل موقف ما ينفعش إني استأمنها على ابني».

وأضافت باكية: «قال لي على واحدة من المحلة، كنت عايزه اله واحدة تحترمه وتصونه في غيابه، مش عشان مطلقة ولا أرملة».

وعن دعمها لابنها، قالت: «فتحت له محلات ترزي وسوبر ماركت وخضار وملابس، ما قصرتش معاه، والناس كلها تشهد، ووالده اتوفى من سنة ونص، ومات وهو ظالمني، دلوقتي ليه ابني يظلمني؟ أنا عملت له إيه عشان يعمل فيا كدة؟».