لبنى عبد العزيز: القراءة عشقي الأكبر.. وعبد الحليم حافظ ودعني قبل سفري إلى أمريكا

فتحت الفنانة القديرة لبنى عبد العزيز، قلبها للحديث عن تفاصيل حياتها وعلاقتها بالفن والقراءة وأيضًا ذكرياتها مع العندليب الراحل عبد الحليم حافظ.

وقالت لبنى عبد العزيز خلال اللقاء: "أنا بحب القراءة من صغري، ويومي دلوقتي مش بعمل فيه غير الكتابة والقراءة، ووالدي من صغري كان بدل ما يديني عروسة يديني كتاب"، مشيرة إلى أن القراءة كانت دائمًا جزءًا أساسيًا في حياتها.

وأضافت: "ساعات الشغل الكتير بيحسسني بحسرة إن الناس مش واخدة بالها من الشغل اللي بعمله، أنا مش بجري ورا الأضواء ولا التكريمات، فساعات ناس كانت بتوصل أكتر مني، وأقول يا خسارة إن عندي قدرات كبيرة لكن مفيش تقدير، ولما كان بيحصل تكريم كنت بتبسط جدًا".

وتطرقت الفنانة الكبيرة إلى استخدام التكنولوجيا الحديثة، حيث علّقت قائلة: "أنا بستخدم chat gpt باستمرار، بس البني آدمين هيخلصوا بسبب التقنيات دي، ولازم نوقف الموضوع ده شوية عشان الإنسانية بتقل".

وعن علاقتها بالفنان الراحل عبد الحليم حافظ، قالت لبنى عبد العزيز: "عبد الحليم حافظ كان آخر واحد ودعني وأنا مسافرة أمريكا، وقال لي أوعديني إنك راجعة، لكن للأسف أكتر حاجة زعلتني من السفر إني ملحقتش أودعه، وتوفي وأنا برا، وخبّوا عليّا الخبر، وأول ما رجعت زورت قبره وقريت له الفاتحة".