لبنى ونس : لو رجع بيا الزمن مكنتش هختار أبقى ممثلة.. أنا مقصرة في حق الموهبة

ياسمين حمادة 10 مايو 2023 | 04:27 مساءً

تحدثت الفنانة لبنى ونس عن الصعوبات التي واجهتها، أثناء عودتها للفن بعد غياب استمر حوالي 15 عامًا، قائلة: «ربنا اداني شغف أكمل رغم سني».

تصريحات لبنى ونس

قالت لبنى ونس في تصريحات تلفزيونية لها: «مش بعترف بكلمة نجم أو نجمة لأن مفيش نجوم على الأرض.. ومقياس النجاح هو أن الجمهور يصدقك، وما زالت مقصرة في حق الموهبة اللي ربنا إدهالي».

وتابعت: «دور فاطمة في مسلسل جعفر العمدة كان منحة من ربنا لكن أنا بفضل أدوار الشر والتريند بالنسبة لي إتقان العمل، وعندي يقين بالله إن اللي بيتعب ربنا مش بيضيع تعبه».

لبنى ونس مسلسل جعفر العمدة الحلقة 6

غياب لبنى ونس عن الفن

واستكملت لبنى ونس حديثها: «المقياس بالنسبة لي هو نجاح الفنان في تقديم الدور، وأن يُصدِّقه الجمهور بعيدًا عن شخصيته الحقيقية، ولدي طموح كبير أحاول تحقيقه»، وأشارت إلى أنها إذا لم تجد أي إضافة في الدور فلن تقبله لمجرد التواجد في أكثر من عمل.

وقالت الفنانة عن شخصيتها: «أنا من جوايا طيبة، فببقى عايزة أخرج الطاقة السلبية والغضب اللي جوايا اللي مبقدرش أفرغه في حد من حواليا بسبب طيبتي، ولو رجع بيّ الزمن مكنتش هختار أبقى ممثلة».

واختتمت قائلة: «كنت هفضل في كلية فنون جميلة كفنانة تشكيلية، لأني كنت بحب شغلي أوي، وبشكر ولادي على تفهمهم لطبيعة عملي، ولو كنت مقصرة تجاهكم فسامحوني هم اللي قالوا لي أرجع أنزل شغلي تاني».