زوجة مؤمن زكريا: الأطباء ميعرفوش مرضه إيه

طمأن مؤمن زكريا، لاعب الأهلي السابق، الجمهور على تطورات حالته الصحية.

وقال زكريا، خلال تصريحات تلفزيونية: «الحمد لله ماشي على العلاج الطبيعي، ويا رب خير إن شاء الله فضل ونعمة».

من جهتها قالت ريهام الشيمي، زوجة مؤمن زكريا: «مؤمن سافر أمريكا وألمانيا وإنجلترا عشان يعرفوا إيه اللي عنده؛ لغاية دلوقتي ميعرفوش (الأطباء) المرض اللي عنده إيه، بيقوله إن هو تشابه (إيه إل إس)، ومستنيين يلاقوا علاج للمرض ده».

وأوضحت زوجة مؤمن زكريا، أنها متفائلة بعودة زوجها للملاعب مرة أخرى، مشيرة إلى أن هناك الكثير من الجمهور الذي يحبه «الناس كلها بتحبه جمهور الأهلي والزمالك؛ وده مش موجود عند أي حد».

وأعلنت زوجة مؤمن زكريا، عن مفاجأة سارة بأنها حامل في طفلة، مستطردة: «رحنا لدكتور وقالنا إن الموضوع صعب؛ بس ربنا جبر بخاطرنا علشان كانوا فاكرين إن المرض ده سبب في عدم الإنجاب».

عمرو السولية لـ مؤمن زكريا : ربنا يديم ضحكتك يا حبيبي

مؤمن زكريا يدعم منتخب السلة قبل ربع نهائي بطولة إفريقيا