محمد دياب يعتذر لصناع فيلم أسد: فرحتي نقصت بسبب خطأ في تتر الفيلم

أعرب المخرج محمد دياب عن سعادته بإشادات فيلم أسد بعد أول أيام عرضه، كاشفًا خطأ ورد في تتر الفيلم بسبب عدم ذكر أسماء أشخاص خلف الكاميرا.

كتب محمد دياب في منشور عبر حسابه الرسمي بموقع فيس بوك: «إمبارح كان العرض الخاص لفيلم أسد، وأنا بسمع تقدير الناس للمستوي الفني والتقني للفيلم كنت عاوز أقول للناس إن اللي يستحق الشكر هما الناس اللي اشتغلت على الفيلم بتفاني لمدة 3 سنين».

وتابع: «ناس اختارت تاخد نفس الأجر اللي بياخدوه في أفلام بتخلص في شهور وفضلوا يشتغلوا على أسد لسنين بلا كلل أو ملل.. وسط فرحة اليوم اللي بيبقي كأنه فرح المخرج، فوجئت بأسماء أشخاص اسمهم اتنسى يتكتب على التتر، الغلطة دي مش مسئولية المخرج بس أقسم بالله أن جزء كبير من فرحتي راحت عشان الناس دي أصلا مشتركتش في الفيلم غير عشان التقدير».

واستكمل محمد دياب: «طبعًا أسمائهم هتتكتب في النسخة اللي بتعيش للأبد اللي بتبقى بعد العرض السينمائي بس طبعًا ده ميوفيهمش حقهم فالبوست ده أتمنى أي حد شاف أسد وحبه يشير البوست عشان محهود الناس اللي تفانت واجتهدت ومن غيرهم الفيلم كان هيبقي مستواه أقل بكتير».