محمد رمضان: مش منطقي أعمل أعمال عن العشوائيات دلوقتي لأنها مبقتش موجودة في مصر

تحدث الفنان محمد رمضان عن ملف العشوائيات والتحولات اللي شهدتها مصر خلال السنوات الأخيرة، موضحًا إنه مش شايف إنه مناسب يقدم أعمال عن الفئة دي الآن، زي ما كان بيعمل في بداية مشواره الفني. وجاء كلامه خلال تكريمه في ملتقى التميز والإبداع العربي، حيث قال إن اللوم دايمًا بيقع على الممثلين والسينما والدراما إنهم لازم يقدموا ويغيروا، وده حقيقي، لكن الإعلام كمان له دور مهم في توصيل الرسالة.

وقال محمد رمضان إن الأجيال الجديدة لازم تعرف حجم التطور اللي حصل في مصر، مشيرًا إلى إن فيروسات زي فيروس سي كانت سبب في فقدان نص عائلات المصريين، لكن تم القضاء عليه تمامًا في عهد الرئيس عبد الفتاح السيسي. وأضاف أن مصر كمان قضت على العشوائيات اللي كانت بتظهر من الجو على شكل عزب وصفيح وعشش، مؤكدًا إن الفئة اللي كان بيقدم عنها أعمال زمان مش موجودة بنفس الشكل حاليًا.

وعلى جانب آخر، ينتظر محمد رمضان عرض فيلمه الجديد أسد، ويشاركه البطولة ماجد الكدواني ورزان جمال وعلي قاسم وركين سعد وكامل الباشا ومحمود السراج وأحمد عبد الحميد وإسلام مبارك، والعمل من تأليف خالد وشيرين ومحمد دياب وإخراج محمد دياب.