محمد سامي يحرق أحداث مسلسل جعفر العمدة قبل عرضه في رمضان 2023

محمد سامي تصدر مؤشرات البحث الساعات الماضية، عقب كشفه عن أحداث مسلسله الجديد جعفر العمدة المشارك في موسم مسلسلات رمضان 2023، حيث أن تصريحات محمد سامي فاجئت الجمهور وهي يتحدث عن قصة مسلسل جعفر العمدة.

محمد سامي يحرق قصة مسلسل جعفر العمدة

• بطرح القصة والموضوع، بطرح إن واحد عنده تعدد زوجات، وانت بتشوف ده حققله حياة سعيدة، صح أو غلط، مفيد أو لا
• المسلسل بتاعي المتصدر عنه إن قضيته تعدد الزوجات، وده مش هو خالص ديه قصة من قصص المسلسل
• ده وصف في حياة الراجل، وقصة الراجل بينه وبين نفسه في جرح قديم، وفي حاجة تاني، وفي رحلة البحث عن ابنه
• لو اتكلمت عن المسلسل في سطر هقول إن هو راجل مزواج معلم ابن عز من السيدة زينب اسمه جعفر عبد الجواد خضر العمدة
• امه بنت حسب ونسب، أبوها أكبر عطار في الحسين، اسمها وصيفة
• الراجل والده توفى زمان، لقى نفسه شايل أسرة
• شقيقه الأكبر شخصيته ضعيفة، له أخت واحدة، أمه شخصية رائعة، والراجل ده حصله إن من 19 سنة مراته بتخلف في المستشفى، ومراته التانية اللي هنفهم له أتجوزها في أول سنة حامل، وبتشوف ابنه اتولد اتخطف في الحضانة

مسلسل جعفر العمدة في مسلسلات رمضان 2023

• مراته التانية في ناس ضربوها في الشارع وسقطوها، وده أول مشهد في المسلسل
• بعد 19 سنة مانع زوجاته من الخلفة، علشان مش عايز يتوجع تاني، وميعرفش مين اللي عمل فيه كده، وميعرفش ابنه ميت ولا عايش، لو ميت هيرتاح وهيعرف يكمل، وجرحه مش بيتنسى
• إزاي الراجل ده عايش مع همه، طب هل زيجاته العديدة هي اللي بتلهيه عن الهم، هل هو هيلاقي ابنه، وهل هيعرف مين اللي عمل في ابنه كده
• هو مسلسل درامي تشويقي رومانسي، والموضوع الأساسي بين جعفر العمدة وابنه، والموضوع مش هو التعدد وده جزء من الحكاية، والطريقة ديه هتكون ممتعة للجمهور

محمد رمضان مسلسل جديد

وعلى جانب آخر محمد رمضان تصدر التريند بمؤشر البحث الأشهر جوجل خلال الساعات الماضية، بعد حديثه عن مسلسل جعفر العمدة الذي ينافس به ضمن مسلسلات رمضان 2023.

محمد رمضان كشف عن مسلسل جديد يحضر له، ولأول مرة يشارك به خارج موسم دراما رمضان، قائلًا: «ممكن أقدم عمل خارج السباق الرمضاني لو مشغول بشيء آخر يسعد جمهوري».

محمد سامي ومحمد رمضان

محمد رمضان تابع حديثه في تصريحات تلفزيونية، قائلًا: «ممكن أضحي بشهر رمضان عشان أعمل لهم شيء يمتعهم محتاج مجهود أكبر، وبدأنا نشوف إن الجمهور بيتابع المنصات الأجنبية والعربية، وبعد العيد الصغير داخل أصور أول مسلسل لمنصة مكون من 7 حلقات».

وبذلك يخرج الفنان محمد رمضان من موسم دراما رمضان لأول مرة منذ 9 سنوات، حيث كان أول بطولة درامية مطلقة له في رمضان هو مسلسل ابن حلال ضمن موسم رمضان 2014.

محمد رمضان عن مسلسل جعفر العمدة: دسم وسيتخطى نجاح البرنس والأسطورة

مسلسلات رمضان 2023.. محمد رمضان عن عصام السقا: واحد من مفاجآت مسلسل جعفر العمدة

محمد رمضان لـ أهالي مصرالجديدة بعد تصوير مشاهد جعفر العمدة: نعتذر على الازعاج

مسلسلات رمضان 2023 .. هيثم نبيل يكشف مفاجآت وكواليس أغاني جعفر العمدة

أحمد فهيم عن ظهوره على أفيش جعفر العمدة: بقالي 20 سنة مستني اليوم ده