محمود المهدي يرد على تصريحات محمد نجاتي: «كان هيشيل منة وهي إللي رفضت»

قام الفنان الشاب محمود المهدي بالرد على تصريحات الفنان محمد نجاتي بشأن الخلاف بينهما على إحدى مشاهد مسلسل «فيلا 101».

وقال المهدي: 'الموضوع خد أكبر من حجمه بزيادة، بيتقال إن في مشهد بسبب إنه كان بيقيس نبض إيد منة، وهي رفضت، وكان دة سبب الخلاف وأدى للإنفصال، مفيش الكلام دة خالص'.

وأضاف: 'المشهد أصلا كان إن هي تتشال وهي رفضت إنها تتشال، وإحنا بنتكلم من الأول مع المنتج والمخرج إن مفيش مشاهد بوس، مفيش أحضان، ومفيش شيل، وهي حاطة قواعد، زي أي فنانة محترمة'.

وتابع :'إحنا مش لازم نوصل الفن بطريقة وحشة، ممكن نوصله بطريقة محترمة، واحنا في مجتمع شرقي المفروض نراعي دة'.

يذكر أن الفنان محمد نجاتي قد أدلى بتصريحات بشأن تسببه في الخلاف الذي وقع بين كل من منة عرفة وزوجها محمود المهدي، وقال :'أنا تم الزج باسمي في الحكاية وأولادي بيسألوني عن الحكاية ولقيت اسمي جوة حكاية طلاق ومكنتش متوقع أن الموضوع يوصل للمرحلة دي'.

وأضاف نجاتي: 'أنا بعمل مسلسل اسمه فيلا 101 وبيشاركني فيه نجوم ومنه عرفة طالعه اختي وانا دكتور أمراض نسا وهي اغمى عليها ومعايا بنتين في المشهد وكان من الطبيعي أن أنا أشيلها لأني أخوها ولقيتها بتقول وقالتلي أنا ماضية عقد ان محدش يشيلني'.

وتابع:'قلتلها أنا همسك ايدك بصباعين فرفضت وقالت مينفعش طيب كدة هكشف عليها ازاي معرفش أعمل مشهد الجمهور كدة هيضحك عليا والمخرج أصر على المشهد واليوم خلص وتاني يوم بيقولولي انها انفصلت عن جوزها'.

يشار إلى أنه قد تم عقد الصلح مرة أخرى بين منة عرفة وزوجها محمود المهدي عقب يومين من إعلانها الانفصال.

بث مباشر قناة صدى البلد  -  قناة صدى البلد بث مباشر -  2 بث مباشر قناة صدى البلد

48 ساعة تريند .. القصة الكاملة لأزمة منة عرفه بعد إعلان عودتها لزوجها

منة عرفة تعلن عودتها لزوجها: الخلاف كشف ناس كتير