مروة صبري تهاجم والدة مسلم: ليه تطلعي تفضحي ابنك!

هاجمت الإعلامية مروة صبري والدة المطرب الشعبي مسلم، بعد تصريحاتها الأخيرة عن نجلها واتهامها له أنه تخلى عن والدته وأشقائه بعد الشهرة.

قالت الإعلامية مروة صبري عبر تصريحات تلفزيونية في رسالتها لوالدة المطرب مسلم: «هل ينفع إن إنتي تطلعي تفضحي ابنك على كل المواقع!».

مروة صبري تهاجم والدة مسلم

وتابعت: «تفضحي ابنك اللي هو المفروض مشهور وله جمهور والناس تعرفه، أكثر حاجة بتضايقني فكرة إني أستغل شهرة بني آدم وأطلع أتكلم عنه».

واستكملت الإعلامية مروة صبري: «الكلام ده ممكن يحصل من الغريب أو من أي حد عايز ياخد التريند فيطلع يتكلم عنه مفيش مشكلة».

مروة صبري

أزمة والدة المطرب الشعبي مسلم

وأضافت: «لكن الأم تطلع تتكلم على ابنها وتتكلم عن تفاصيل وأسرار بينها وبين ابنها ده في حالة أنها صح طيب ما تكلميه في التليفون وتعاتبيه».

واختتمت الإعلامية مروة صبري رسالتها لوالدة المطرب الشعبي مسلم، قائلة: «أو تبعتيله رسالة أو ابعتيله ابنك التاني وتقوليله أمك غضبانة عليك، أحسن ما كنتي تخلي سيرته على كل لسان، أحسن ما كنتي تطلعي ابنك تريند بالمنظر ده».