مسلم يرد على اتهامات طليقته ضحى: معنديش شقة ملك ولو طلعت اللي معايا محدش هيبص في وشها

خرج مطرب المهرجانات مسلم عن صمته، ورد على اتهامات وتصريحاته طليقته الأولى ضحى بإهماله لنجله ورفض دفع النفقة وتولي مصاريفه.

قال مسلم في فيديو «لايف» على حسابه الرسمي بموقع إنستجرام، إن زوجته الحالية يارا تامر، وقفت بجانبه في أصعب الظروف، واضطرت لبيع سيارتها من أجله.

رد مسلم على طليقته الأولى

وتابع: «أنا الفنان الوحيد اللي معندوش شقة ملك، ومش معقول الناس كلها ملايكة وأنا اللي شيطان»، مؤكدًا أنه يركز حاليًا بشكل كامل على عمله، ويرفض الانسياق وراء الانتقادات أو الدخول في صراعات.

واستكمل مسلم: «الناس اللي عاملة نفسها عيلتي دي محدش له دعوة بيا.. كلكم أسوأ من بعض»، معبرًا عن استيائه من الهجوم الذي يتعرض له».

تصريحات مسلم

وأضاف: «لازم الناس تستغرب من اللي بيحصل معايا.. أنا بتحارب.. لو جيبنا واحد مريض ومش عاقل هيعرف أن اللي بيحصل معايا ده مش طبيعي.. وأنا مراعي شغلي ومركز فيه ومش مركز مع حد».

واختتم مسلم: «لو طلعت اللي معايا محدش هيبص في وشها بس أنا عامل حساب لابني وهي كدا كدا كسفته باللي بتعمله، وأنا مش هرد غير بالقانون وهاخد كل الإجراءات القانونية ضدها وضد كل اللي شهروا بيا.. وأنا سايب اللي يكتب يكتب.. أعدلوا من نفسكم الأول وبعدين اتكلموا عن الناس.. أنا ميشغلنيش كلام حد.. وحسبي الله ونعم الوكيل في كل بني آدم ظلمني».

ونشر وثيقة تثبت سداد نفقة نجله من طليقته، وعلق قائلًا: «دي أقل ورقة عندي في البيت، 180 ألف جنيه كل 5 شهور وفي كتير من ده وبشهود».