مسنة لـ الرئيس السيسي: ربنا يجعل رمضان مفترج عليك.. والرئيس: «قولي اللي أنتي عايزاه»

أجرى الرئيس عبد الفتاح السيسي حوارا مع سيدة مسنة، خلال جولته التفقدية لأكاديمية الشرطة فجر اليوم.

وأعربت سيدة مسنة عن بالغ سعادتها بلقاء الرئيس السيسي، قائلة: 'ربنا يباركلك ويبارك في صحتك ويجعل شهر رمضان مفترج عليك وعلى حبايبك'.

وقبل الرئيس السيسي رأسها، قائلا: 'ربنا يخليكي.. قولي اللي انتي عايزاه'.

وأشاد الرئيس عبد الفتاح السيسي بدور رجال الشرطة في حفظ استقرار الوطن.

قال الرئيس عبد الفتاح السيسي خلال حديث لطلبة أكاديمية الشرطة، اليوم الأربعاء، قائلا: «بقول إن اللي حفظ مصر وهيكبرها ربنا سبحانه وتعالى ثم أنتم كأسر وأبناء الوطن، ربنا يحفظكم ويحميكم وتحيا مصر بيكم كلكم».

وأضاف الرئيس السيسي خلال تفقده أكاديمية الشرطة اليوم الأربعاء: «خلوا بالكم من أولادكم وبقول لكم متأكلهومش كتير في رمضان، وهينزلوا معاكم بالسلامة ويرجعوا لدراستهم، إحنا بخير وبقول لأهلي المصريين متخافوش، مرينا بأيام صعبة أوي السنين اللي فاتت وافتكروا كان هناك تضحيات كتيرة، وربنا وفقنا ومصر بقيت في حتة تانية، وكل سنة وأنتم طيبين».

تصريحات الرئيس السيسي في اكاديمية الشرطة

وأضاف الرئيس السيسي خلال تفقده أكاديمية الشرطة اليوم الأربعاء: «لما جينا في المناطق الخطرة كان عندنا مسارين، إننا نحسن حياتهم وكان الحل ده هو الإصلاح والأكثر جدارة، وتم إنشاء مراكز الإصلاح وتغيير اسمها، مش هنسميه سجن تاني؛ لتحسين صورة المجتمع عن السجن».

وعلق الرئيس السيسي: «عشان تنجح لازم تقلل احتكاك البشر مع الفكرة عشان تنجح، في النظام القديم كان هناك احتكاك مباشر، وكل عمل هتشتغلوا فيه كرجال شرطة لازم تحسنوا وتقيموا وغيروا دايما لو في حاجة للتغير في أي عمل».

الرئيس السيسي يتلقى اتصالا هاتفيا من ملك البحرين للتهنئة بحلول شهر رمضان المعظم

صور من جولة الرئيس السيسي في أكاديمية الشرطة