وجه الإعلامي أحمد موسى، التحية للمنتخب المصري بعد تخطيه منتخب كوت دي فوار، وكارلوس كيروش مدير منتخب مصر؛ نظرًا للفوز الهام الذي صعد بالمنتخب لدور الثمانية؛ مؤكدًا أن منتخب مصر أفضل من المغرب.
فوز مصر على كوت ديفوار
وقال موسى، ببرنامج «على مسئوليتي» المذاع عبر قناة «صدى البلد»: «ولاد مصر رجالة؛ قلنا امبارح وكان عندنا ثقة كلهم رجالة، كل واحد موجود في الكاميرون راجل موجود بيدافع عن مصر، عن اسم الغالية، مبروك ليكم يا رجالة، ومبروك لينا،؛ بعد الفوز على كوت ديفوار عملوها الرجالة».
وأضاف أحمد موسى، أن «أبو جبل وش السعد النهاردة؛ شال الضربة اللي هتخلينا نقابل المغرب، ؤربنا كرمنا كرم كبير؛ رجالة بجد، والشناوي البطل كان بطل لحد ما خرج».
أهداف ضائعة
وتابع أن اللاعب محمد النني «ضاع منه جون ومرموش ومصطفى محمد؛ كان ممكن نخلص بهدفين تلاتة، دايما عظيمة يا مصر؛ كان عندنا هذه الثقة إن منتخبنا مش ممكن يرجع؛ احنا مستمرين وموجودين وإن شاء الله البطولة بتاعتنا كيروش النهاردة مدير منتخب عالمي؛ لعب بخطة متوازنة».
وأوضح أن الهدف الذي أحرزه محمد صلاح هو هدف الصعود «مين يعملها غير أبوصلاح؛ كلكم يا أبطال يا رجالة؛ لكم كل الاحترام، بنتكلم عن بلد واسم بلد كبيرة؛ اللي بيلعب باسم مصر لازم يلعب بروح القوة؛ ومبروك لـ 100 مليون؛ واحنا نستحق الفوز والصعود».
مصر كلمة السر
وأكد أنه «مفيش حد قصر النهاردة؛ الجميع النهاردة كلمة سر، كلمة سر مين.؟ (مصر)، لافتًا إلى أن منتخب مصر أفضل من فريق المغرب «البطولة بتنادي مصر».
أحمد موسى عن خسارة مصر ضد نيجيريا: «منتخب تعبان.. وكيروش ضايع»
