علق الإعلامي مصطفى بكري على واقعة خروج عربة قطار عن خط السكة الحديد الإسماعيلية – السويس، اليوم الخميس.
وأضاف مصطفى بكري خلال برنامج حقائق وأسرار على قناة صدى البلد: «شايفين الخلايا النايمة بدأت ترجع والإرهابيين بدأوا بالفعل التخريب.. كان هدفهم يوقعوا القطر ووقوع أكبر عدد من الضحايا.. متسائلا: مين اللي شال البلنجات اللي على السكة الحديد في خط الإسماعيلية – السويس؟.
وتابع بكري: محدش يفهمني أن فيه حد وطني يبث من قناة خارجية.. علينا أن ننشغل حاليا بالسبب الرئيسي لحادث قطار العياط وليس غير ذلك.
وقال مصطفى بكري: أنا اتحبست عشان مصر في 81 و94 و2003.. والنهاردة بلدنا بتواجه تحديات ولازم كلنا نبقى معاها.. ما أسهل أن تكون عنصر مخرب ومزايد على البلد وتكون آخر حلاوة.. البلد تحتاج في الفترة دي لرجال أقويا تحمي البلد.. البلد لو راحت انسوا أنها ترجع.. لكن شوفوا اللي بيحصل في أوروبا والدول اللي برا.. لكن برغم كل اللي بيحصل دا هتفضل البلد دي آمنة بجيش مصر الوطني وشرطتها الباسلة والراجل اللي شال البلد دي على كتفه من 2013 اللي أنا بدعمه شخصيا لحد آخر لحظة.
واختتم مصطفى بكري: بنلاقي ناس بتقول علينا أننا بنطبل.. بنطبل لمين يلا.. ياض أنت بيجيلك الاسكريبت تستهدف رموز السلطة والإعلام.
