مصطفى فهمي قبل وفاته: أنا مدمن رياضة وحظي وحش في الستات

غيب الموت الفنان مصطفى فهمي بعد تدهور حالته الصحية وصراع مع مرض السرطان، بعدما كانت آخر كلماته عن سر شبابه وعلاقته بشقيقه الفنان حسين فهمي وعلاقته بالسوشيال ميديا.

قال مصطفى فهمي في آخر ظهور إعلامي له قبل حوالي 3 سنوات: «أنا إنسان نهاري ولا أعشق السهر، وغير مهتم بوسائل التواصل الاجتماعي باستثناء تطبيق واتس آب، أحب النهار أكتر من الليل، وأحب أروح ألعب رياضة وأقعد في الشمس، على البحر، الليل بالنسبالي قليل جدًا بسهر لكن على خفيف ومش دايمًا على حسب المناسبات».

آخر كلمات مصطفى فهمي

وتابع: «أنا مدمن رياضة، لما بحس إن عندي ضغط نفسي بلعب رياضة وعلمت ابني ده إنه يطلع طاقته في الرياضة، وطوال عمري في حياتي أحب الاستمتاع بكل شيء ولكن باعتدال، وبطبعي أحب الاستيقاظ مبكرًا، أحب ممارسة الرياضة، سباحة وتنس وسكواش، الرياضة بالنسبة لي أمتع شيء في الحياة، حتى عندما يكون لدى نوع من الضغط النفسي في حياتي أخرجه في الرياضة».

واستكمل مصطفى فهمي حديثه عن السن: «فيه ناس بتكبر روحها، معرفش ليه بتعمل كده، تقوله يلا نسهر يقول يا عم بقى نقعد قدام التليفزيون، فيه ناس بتعجز روحها بدري».

مصطفى فهمي

تصريحات مصطفى فهمي

وفيما يخص علاقته بالسوشيال ميديا، قال: «كارثة ومليش فيها خالص، ومعنديش انستجرام وفيس بوك وأخري واتساب، مش معقول قاعد باكل أتصور، كده مفيش حياة خاصة وكل الناس شايفاني، ولو هيعرفوا حاجة تبقى جزئية مش على طول وعندي ولد وبنت محدش فيهم فكر يمثل».

وقال مصطفى فهمي في آخر تصريحاته أيضًا، إنه تزوج ثلاث سيدات إيطالية ومصرية ولبنانية، مشيرًا إلى أن الإيطالية هي أم أبنائه، مضيفًا: «أنا وحسين فهمي أشهر عزاب في الوطن العربي وحظنا وحش في الستات وخصوصًا اليومين دول».

وقال عن كثرة زيجاته وانفصاله: «أنا بشوف إن الطلاق ده حاجة صحية لو أن فيه خلافات مستمرة بيني وبين الطرف التاني وفيه ضغط عصبي واكتئاب فبشوف إن الطلاق ده أولا مشروع شرعًا ولما بتوصل لمرحلة إنك مش قادر تتعايش أنا بشوف إنه صحي إنك تخلع وتمشي لما توصل إنك مش قادر تتفاهم عقليًا ولا عاطفيًا».

مصطفى فهمي

مصطفى فهمي