مفاجأة.. بضاعة بـ 250 جنيه مقابل كيلو سكر.. رد نارى من أحمد موسى على استغلال المواطنين

ناشد الإعلامي أحمد موسى، الأجهزة المعنية بمتابعة السلاسل التجارية التي تبيع سلع أخرى مقابل شراء كيلو السكر.

وأوضح أحمد موسى خلال برنامج على مسئوليتي المذاع على قناة صدى البلد، اليوم الأربعاء: «في متاجر تلزم المواطنين بشراء سلع بقيمة 250 جنيه علشان تاخد كيلو سكر، في أماكن معروفة وشهيرة جدا وفي أماكن تانية تلزم المواطن بشراء سلع بقيمة 100 جنيه.. الكلام ده لازم يتوقف فورا والناس تلتزم».

وطالب موسى، المواطنين بعدم دفع أكثر من 27 جنيه لكيلو السكر، قائلا: «متدفعش حاجة أكتر من كده ولو حد قالك أكتر بلغ عنه فورا لا هايبر ولا ماركت ولا متجر.. أي حد يبيع السكر بسعر أزيد من 27 جنيه بلغ عنه فورا أيا كان مين».

وأشار أحمد موسى، إلى أنه تم إبلاغ جميع المحالات والتجار والمبادرات بأن السعر الرسمي للسكر 27 جنيه، مؤكدا:  «مفيش حاجة اسمها بـ 50 ولا 60 جنيه لحد النهارده بسمعها».