نهال طايل: ريهام عبد الغفور نجمة مهمة واللي حصل معاها مش أخلاقي.. فيديو

أكدت الإعلامية نهال طايل أن قلة الحلقات التي تناولت انتهاك صورة الفنانين لا تقلل من أهمية الموضوع، مشددة على ضرورة التحلي بالنضج والوعي عند تناول مثل هذه القضايا.

وقالت خلال تقديم برنامجها «تفاصيل» المذاع على قناة «صدى البلد 2» إن الفنانة ريهام عبدالغفور، 'نجمة مهمة كمان بتقدم أعمال مهمة جدًا، لما يصبح إن الفيلم اللي كانت داخلاه دا فيلمها، وبتحتفل بالعرض الخاص فيه، وعاملة فيه شخصية معاها متلازمة داون، يعني قمة في التحدي، قمة في الرسالة الحقيقية، قمة في إن هي باختياراتها اللي إحنا معتادين منها عليها، وبعد كل مجهودها دا تطلع تلاقي التريند بتاعها على الفيلم اللي هو لبسها ظاهر، هو إيه دا؟'.

وأضافت أن انتشار الصور والمقاطع عبر 'البيدجات الصفراء' يشكل استغلالًا غير أخلاقي: 'دلوقتي بقت البيدج الصفراء، وفي مجتمع بينادي بالقيم وبالحلال والحرام طول الوقت إحنا ما بنقبلش غير بما يرضي الله، طبيعة الشعب المصري حقيقي، ولكن بتفاجئ إن في ناس بتعمل تعليقات ولايك وبتتفاعل وليها آراء حولين الصورة دي بحيث إن هي تعمل ريتش علشان تنفع هذه البيدجات'.

وتسائلت: 'طيب هل الفلوس اللي بتكسبوها حلال؟ يعني دي فلوس حلال؟ يعني اللي بيحصل دلوقتي مع سيدات مصريات حلال الفلوس اللي داخلة دي؟ اللي إنتوا بتتعمدوا التقاط هذه الصور وبتحطوها على البيدجات ثم تعمل ريتش؟ هل الفلوس دي حلال؟ أنا بتكلم بالقيم اللي إنتوا بتتكلموا بيها'.

وتابعت :' المجتمع بحاجة إلى وعي وقيم حقيقية في التعامل مع النجوم والصورة العامة، مؤكدة على أهمية التعامل الأخلاقي مع الفنانين وحرمة استغلال حياتهم الشخصية لأغراض تجارية أو إعلامية'.